ឡូយបាត់! ខួបកំណើតម្ដាយ McGregor ជូនកាដូ BMW មួយគ្រឿង

2018-03-16 07:42:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗ តារា UFC កីឡាករ Conor McGregor បានទិញរថយន្តប្រភេទ BMW 4 series មួយគ្រឿងតម្លៃជាង ៥ ៥០០០ដុល្លារជូនម្ដាយ ដើម្បីទុកជាកាដូថ្ងៃកំណើត។

អ្នកប្រដាល់គុនចម្រុះវ័យ២៩ឆ្នាំ បានបង្ហោះរូបលើបណ្ដាញសង្គម Instagram ដោយបើករថយន្តយកទៅជូនម្ដាយ។ ក្រោយពីឃើញរថយន្តថ្មី អ្នកស្រី Margaret ដែលជាម្ដាយ McGregor សប្បាយចិត្តជាខ្លាំង និងបានពរចៅ Conor Jr អង្គុយក្នុងឡានទៀតផង។

បច្ចុប្បន្នបុរសសញ្ជាតិអៀរឡង់ អាចចាត់ទុកជាអត្តពលិក រកចំណូលបានច្រើនម្នាក់ក្នុងពិភពលោក។ កាលពីពេលថ្មីៗ McGregor បានប្រកាសក្ដែងៗថា ខ្លួនបានវ៉ាដាច់ Cristiano Ronaldo ក្នុងនាមជាកីឡាករដែលរកលុយបានច្រើនបំផុតក្នុងបញ្ជី Forbes ក្នុងឆ្នាំ ២០១៨។ McGregor បានបាត់មុខពីសង្វៀន UFC ជាយូរ បន្ទាប់ពីប្រកួតចុងក្រោយជាមួយ Floyd Mayweather ជាលក្ខណៈប្រដាល់សកល។ ទល់នឹងពេលនេះគេមិនទាន់ដឹងច្បាស់ McGregor វិលចូលសង្វៀន UFC វិញពេលណាទេ៕