មកស្គាល់កំពូលវិស្វករ សេតវិមាន តែមិនមែនជាជនជាតិអាមេរិក

2018-03-17 09:25:32
ចំនួនមតិ 0 | ចំនួនចែករំលែក 0

ចន្លោះមិនឃើញ

សេតវិមានជាកន្លែងប្រធានាធិបតីអាមេរិក និងរដ្ឋាភិបាលអាមេរិកធ្វើការជាស្នាដៃរបស់កំពូលវិស្វករល្បីឈ្មោះ James Hoban ប៉ុន្តែលោកមិនមែនជាជនជាតិអាមេរិកឡើយ។

លោក James Hoban

លោក James Hoban កើតឆ្នាំ១៧៥៥ដោយបានធំចម្រើនវ័យនៅតំបន់ Earl of Sesart នៅប្រទេសអៀរឡង់។ លោកបានធ្វើការជាងឈើនៅតំបន់នោះរហូតដល់អាយុ២០ឆ្នាំ និងបានបន្តការសិក្សានៅសាលា Dublin Society's Drawing School ដែលមានលោកគ្រូវិស្វករឈ្មោះ Thomas Ivory។

សម័យសង្គ្រាមបដិវត្តអាមេរិក លោក Hoban បានចូលទៅសហរដ្ឋអាមេរិក និងបានធ្វើការជាវិស្វករម្នាក់នៅ Philadelphia ឆ្នាំ១៧៨៥។ ខែមេសា ឆ្នាំ១៧៨៧ លោកបានទៅ South Carolina ជាកន្លែងដែលលោករៀបចំឌីហ្សាញអគារជាច្រើនដូចជាអគារ Charleston County Courthous (១៧៩០-៩២) អគារ South Carolina Statehouse (១៧៥៣)ជាដើម។ ពេលនោះលោកប្រធានាធិបតីអាមេរិក Washington ពេញចិត្ត និងកោតសរសេរស្នាដៃរបស់លោកនៅពេលអ្នកទាំងពីរជួបគ្នាឆ្នាំ១៧៩១។

គំនូរប្លងសេតវិមានរបស់លោក

ឆ្នាំ១៧៩២ លោក Hoban ទទួលបានជ័យជម្នះក្នុងការប្រកួតឌីហ្សាញប្លង់សម្រាប់កសាងសេតវិមាន។ ការឌីហ្សាពីដំបូងរបស់លោកមើលផ្នែកខាងមុខមាន៣ជាន់ និងល្វែងឆ្លងកាត់៩។ លោកប្រធានាធិបតីឲ្យកែប្រែ ដូច្នេះលោកកែទៅជាផ្នែកខាងមុខមាន២ជាន់ និងល្វែងឆ្លងកាត់១១ ហើយលោកប្រធានាធិបតីបានឲ្យកែកុនទៀត។ អគារប្រធានាធិបតីទាំងមូលនៅខាងមុខថ្មសុទ្ធ។ គេមិនច្បាស់ទេថា រូបភាពឌីហ្សាញណាមួយរបស់លោកពីការប្រកួតនៅមាន ឬយ៉ាងណានោះទេ។

គេដឹងថា ហោចណាស់ លោក Hoban មានអ្នកបម្រើ៣នាក់នៅពេលធ្វើការជាងឈើក៏បានមកជួយកិច្ចការងារកសាងសេតវិមានដែរ។ លោកក៏ជាវិស្វករម្នាក់ដែលគ្រប់គ្រងក្នុងការកសាងអគារ Capitol និង The Octagon House។ លោកបានរស់នៅក្នុងទីក្រុងវ៉ាស៊ីនតោនឌីស៊ី និងបានរៀបចំគម្រោងកសាងអគារជាច្រើនទៀត។ លោកបានទទួលមរណភាពនៅថ្ងៃទី៨ ខែធ្នូ ឆ្នាំ១៨៣១៕