មកមើល ជណ្ដើរទាំង ១០ ស្រស់ស្អាត និងគួរឲ្យភ្ញាក់ផ្អើលបំផុតក្នុងពិភពលោក

2018-03-25 07:13:39
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សលោក បានចាប់ផ្ដើមបង្កើតជណ្ដើរដើម្បីអាចឡើងទៅកាន់ទីខ្ពស់ ដែលមិនធ្លាប់បានទៅដល់ពីមុនមក។ គ្រប់គ្នាតែងប្រើប្រាស់ជណ្ដើរជារៀងរាល់ថ្ងៃរហូតដល់ថ្នាក់នឹកមិនឃើញពីសារសំខាន់របស់វាទៀតផង។ យ៉ាងណាមិញ មានជណ្ដើរមួយចំនួនពិតជាស្រស់ស្អាតបំផុតក្នុងពិភពលោក។

ខាងក្រោមនេះ គឺជាជណ្ដើរទាំង ១០ មានភាពស្រស់ស្អាត និងគួរឲ្យភ្ញាក់ផ្អើលបំផុតក្នុងពិភពលោក ៖

១០. ជណ្ដើរឡើងភ្នំ Taihang

ជណ្ដើរនេះត្រូវបានសាងសង់សម្រាប់ឡើងភ្នំ Taihang ក្នុងប្រទេសចិន ដែលវាមានកម្ពស់រហូតទៅដល់ ៩១ ម៉ែត្រ។ អ្វីដែលគួរឲ្យភ្ញាក់ផ្អើលបំផុតនោះ គឺមានតែមនុស្សអាយុក្រោម ៦០ ឆ្នាំនិងមានសុខភាពល្អប៉ុណ្ណោះ ទើបអនុញ្ញាតឲ្យឡើងបាន ដោយសារតែមានខ្យល់ខ្លាំងនៅរយៈកម្ពស់ខ្ពស់ និងមានសត្វហោះកាត់ផងដែរ។

៩. ជណ្ដើរលើសមុទ្រ

ជណ្ដើរនេះត្រូវបានសាងសង់នៅលើកោះ Gaztelugatxe ប្រទេសអេស្ប៉ាញ ដើម្បីតភ្ជាប់ពីកោះមកដីគោក។ វាជាជណើ្តរដ៏គួរឲ្យភ្ញាក់ផ្អើលមួយក្នុងពិភពលោក ដោយសារតែកាច់កុងចុះឡើងរញ៉េរញ៉ៃបំផុត និងមានរហូតដល់ ២៣៧ កាំ។

៨. ជណ្ដើរ Awaji Hyakudanen

ជណ្ដើរនេះ ស្ថិតនៅលើកោះ Awaji ប្រទេសជប៉ុន និងមានភាពទាក់ទាញបំផុតដោយសារតែមានសួនផ្កា ១០០ ថ្នាក់តាមជណ្ដើរនីមួយៗ។ លើសពីនេះទៀត អ្នកទស្សនាអាចមើលឃើញទិដ្ឋភាពទីក្រុង Osaka យ៉ាងច្បាស់ពីជណ្ដើរនេះផងដែរ។

៧. ជណ្ដើរ Ha'ikū

ជណ្ដើរដែលស្ថិតក្នុងរដ្ឋ ហាវ៉ៃ សហរដ្ឋអាមេរិកនេះ ត្រូវបានគេចាត់ទុកថាជាជណ្ដើរឡើងទៅកាន់ស្ថានសួគ៌។ វាគឺជាជណ្តើរមួយក្នុងចំណោមជណ្តើរដ៏ស្រស់ស្អាតនិងគួរឱ្យភ្ញាក់ផ្អើលបំផុតនៅក្នុងពិភពលោក និងមានរហូតដល់ ៣ ៩២២ កាំ។

៦. ជណ្ដើរស្ពាន Moses

ជណ្ដើរស្ពាន Moses ស្ថិតនៅប្រទេស ហូឡង់ ហើយត្រូវបានសាងសង់ឡើងនៅតំបន់ Ford de Roovere។ ដោយសារតែតំបន់នេះ សម្បូរទៅដោយគូទឹក ទើបវាមិនមានស្ពាននោះទេ។ ប៉ុន្តែតាមរយៈការស្តារឡើងវិញនាពេលថ្មីៗនេះ គេបានសាងសង់ជណ្ដើរស្ពាននេះឡើង ហើយវាពិតជាមានសារសំខាន់ និងគួរឲ្យទាក់ទាញខ្លាំងណាស់។

៥. ជណ្ដើរ Rue Foyatier

ជណ្ដើរ Rue Foyatier ស្ថិតក្នុងទីក្រុង ប៉ារីស ប្រទេសបារាំង ដែលអាចឲ្យអ្នកដំណើរឡើងទៅកាន់តំបន់ទេសចរដ៏ល្បីល្បាញឈ្មោះ Montmarte។ ជណ្ដើរនេះមានកម្ពស់ ៣០០ កាំ និងចំណាយពេលតិចជាង ៩០វិនាទីប៉ុណ្ណោះដើម្បីឡើងទៅដល់ខាងលើ។

៤. ជណ្ដើរថ្ម El Peñol

ជណ្តើរដែលបង្កើតឡើងដោយដុំថ្មនេះ ស្ថិតនៅទីក្រុង Guatape ប្រទេស កូឡុំប៊ី។ វាត្រូវបានសាងសង់ឡើងដោយមានចំនួន ៦៥០ កាំដើម្បីឡើងទៅដល់កំពូល។

៣. ជណ្ដើរ Inca Trail

Inca Trail គឺជាផ្លូវបុរាណក្នុងទីក្រុង Cuzco ដើម្បីឡើងទៅកាន់តំបន់ Machu Pichu ប្រទេស ប៉េរូ។ ជណ្តើរនេះ ស្ថិតនៅលើផ្លូវខ្វាត់ខ្វែងគ្នាជុំវិញភ្នំ និងមានរហូតដល់ ១ ៥០០ កាំ។

២. ជណ្ដើរល្បាក់ Universe

ជណ្ដើរល្បាក់ Universe ស្ថិតក្នុងទីក្រុង Dumfries ប្រទេស ស្កុតឡែន ហើយស្ថិតក្នុងតំបន់ឯកជនដែលមានឈ្មោះថា Gardens of Cosmic Speculations។ តំបន់នេះ បើកឲ្យភ្ញៀវចូលទស្សនារយៈពេលមួយថ្ងៃប៉ុណ្ណោះក្នុងមួយឆ្នាំ។

១. ជណ្ដើរ Girnar

ជណ្ដើរ Girnar ស្ថិតក្នុងទីក្រុង Gujarat ប្រទេសឥណ្ឌា និងជាជណ្ដើរឡើងភ្នំខ្ពស់បំផុតដែលមានកម្ពស់រហូតដល់ ៩ ៩៩៩ កាំ។ ការឡើងជណ្ដើរនេះ អាចមានភាពលំបាកខ្លាំងណាស់ ប៉ុន្តែនៅពេលទៅដល់កំពូលភ្នំ អ្នកនឹងអាចមើលឃើញទេសភាពស្រស់ស្អាតបំផុត៕