ម៉ឺន សុភា ប្រាប់រឿងមួយដែលវ៉ៃ អារុណដេត សន្លប់ទឹកទី១ ល្ងាចមិញ

2018-03-26 02:59:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់កណ្ដាប់ដៃថ្ម ម៉ឺន សុភា បានផ្តួលកីឡាករថៃ អារុណដេត ឲ្យសន្លប់ក្នុងទឹកទី១យ៉ាងងឿយស្រួលក្នុងការប្រកួតសន្សំពិន្ទុក្នុងពូលនៃការប្រកួតដណ្តើមខ្សែក្រវាត់នៅសង្វៀនបាយ័ន។

ម៉ឺន សុភា(ក្រហម)

ម៉ឺន សុភា បានឲ្យដឹងថា ការប្រកួតជុំចុងក្រោយរបស់គេ ម្សិលមិញនេះអាចថាស្រួលក៏ថាបានដែរ ដោយសារ ដៃគូភ្នាត់ស្នៀតចូលកណ្ដាប់ដៃតែប៉ុណ្ណោះ។ កីឡាមិនថាអ្នកណាខ្លាំងយ៉ាងណានោះទេ ឲ្យតែភ្លាត់ ដឹងតែចាញ់ហើយ។

កីឡាករថៃសន្លប់ម្សិលមិញ

ម្ចាស់មេដាយប្រាក់ស៊ីហ្គេម ២០១៧ សុភា និយាយថា ការជួបគ្នាលើកទី១ រូបគេបានយកឈ្នះដោយពិន្ទុប៉ុណ្ណោះ ប៉ុន្តែលើកទី២នេះឈ្នះសន្លប់ទឹកទី១តែម្តង។ ការជួបគ្នាលើកទី២នេះ អារុណដេត ប្រហែលជាខ្លាចរអាបានជារូបគេមិនសូវហ៊ានចូលវ៉ៃដែលធ្វើឲ្យការប្រកួតក៏មិនសូវជាជក់ចិត្ត។

សុភា បន្តថា ការប្រកួតជម្រុះតាំងពីជុំដំបូងរហូតដល់បញ្ចប់វគ្គសន្សំពិន្ទុនេះ គឺមានការពិបាកដែរ ព្រោះអ្នកគ្រប់គ្នាសុទ្ធតែចង់ឈ្នះ ប៉ុន្តែសំខាន់បំផុតការហ្វឹកហាត់ឲ្យបានដិតដល់ បើហ្វឹកហាត់ត្រៀមបានល្អអាចថាឈ្នះលឿនមិនសូវឈឺខ្លួន។

ម៉ឺន សុភា ឈ្នះម្សិលមិញ

ម៉ឺន សុភា ដែលជាកីឡាករមកពីសមាគមប្រដាល់ក្រសួងការពារជាតិ និងជាកូនសិស្សលោកគ្រូ ធន់ សុភា ប្រកួតចុងក្រោយល្ងាចម្សិលមិញនេះ ផ្ដួលថៃ អារុណដេត ឲ្យសន្លប់នៅក្នុងទី១ នៃការប្រកួតជុំចុងក្រោយរបស់ខ្លួន។ ឥលូវនេះអ្នកលេងកណ្ដាប់ដៃរូបនេះបានឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់ស្រាបៀលីអូហើយ បន្ទាប់ពីប្រកួត៤ដង ឈ្នះ៣ ចាញ់១ មាន១០ពិន្ទុ៕

Sabay កំពុងជ្រើសរើសបុគ្គលិក Marketing Consultant ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay កំពុងជ្រើសរើសបុគ្គលិក Corporate Sales Executives ៥មុខតំណែង ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay កំពុងជ្រើសរើសបុគ្គលិក** Accounting Manager** ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

អត្ថបទ៖ នួន ស៊ីណា