Rolls-Royce អភិវឌ្ឍរថយន្តច្នៃពិសេសមានតែ ៥៥ គ្រឿងប៉ុណ្ណោះ

2018-03-30 23:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីជាការបង្ហាញឲ្យឃើញពីភាពប្រណីតពិតៗ រថយន្ត Rolls-Royce បញ្ចេញនូវសំណុំរថយន្តម៉ូដែល Wraith Luminary Collection ក្នុងចំនួនមានកំណត់ ត្រឹមតែ 55 គ្រឿងប៉ុណ្ណោះ។ រថយន្តទាំងនេះនឹងស្ថិតក្នុងចំណោមស្នាដៃឯកបែប Bespoke ផ្ដាច់មុខ ដែលអាចក្លាយជាវត្ថុសម្រាប់ប្រមូលទុកបាន ដែលរថយន្តសំណុំទាំងអស់នេះត្រូវបាននឹកច្នៃដោយក្រុមការងាររចនា Bespoke របស់ Rolls-Royce ហើយត្រូវបានប្រមូលទុកដោយអ្នកស្រលាញ៉វត្ថុប្រណីតពិតៗទូទាំងពិភពលោក។

នាយកប្រតិបត្តិក្រុមហ៊ុនរថយន្ត Rolls-Royce លោក Torsten Müller-Ötvös បានថ្លែងថា រថយន្ត Wraith Luminary គឺជាសំណុំរថយន្តដ៏ស្រស់ស្អាតអស្ចារ្យ។ រថយន្តនេះតំណាងឲ្យម៉ាកយីហោ Rolls-Royce នាសម័យទំនើប ដែលតែងតែវិវត្តទៅមុខ ត្រួសត្រាយផ្លូវ ហើយជាម៉ាកយីហោកំពូលសម្រាប់ទំនិញប្រណីតផលិតដោយដៃ។ នេះជារថយន្ត ដែលសាទរដល់បុគ្គលមានចក្ខុវិស័យ ដែលមានភាព លេចធ្លោនៅក្នុងជំនាញរបស់ខ្លួន។

រថយន្តម៉ូដែល Wraith Luminary Collection៖

នេះជាសំណុំរថយន្ត Rolls-Royce ពិសេសដែលចំនួនមានកំណត់ត្រឹមតែ 55 គ្រឿងប៉ុណ្ណោះ
ដំបូលផ្កាយបែបទេពច្យុតដែលមានដំបូងគេ
ការប្រើលើកដំបូងនូវការប្រើបន្ទះឈើដែលមានបញ្ចេញពន្លឺ
សរសៃដែកថែបត្បាញដោយដៃដែលបំពាក់នៅផ្នែកខាងក្នុងរថយន្ត
ការបង្ហាញខ្លួនលើកដំបូងក្នុងពិភពលោកនូវទឹកថ្នៃពណ៌ប្រផេះភ្លឺ។ ពណ៌ប្រផេះក្រាសជាមួយនឹងពណ៌ទង់ដែង

ប្រភព៖ rolls-roycemotorcars ប្រែសម្រួល៖ ប៊ុណ្ណារ៉ា