LEXUS ចេញវិធីថ្មីទិញឡានឲ្យត្រូវចិត្ត តែកុំសើចឲ្យសោះ (មានវីដេអូ)

2018-04-02 02:47:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីប៉ុន្មានថ្ងៃមុន ក្រុមហ៊ុន Lexus បានបញ្ចេញវីដេអូនៅលើ Youtube Channel ផ្ទាល់ខ្លួនដើម្បីបង្ហាញពីវិធីថ្មីក្នុងការជ្រើសរើសប្រភេទរថយន្តថ្មី ឲ្យត្រូវនឹងខ្លួនអ្នកសឹង ១០០ភាគរយតែម្ដង។

វិធីនេះមានឈ្មោះថា Genetic Select (ការជ្រើសរើសដោយពឹងផ្អែកទៅលើ ហ៊្សែន) ដែលមានការសហការ ពីក្រុមហ៊ុន 23andMe ដែលជាក្រុមហ៊ុនមានជំនាញខាងពិនិត្យ និងវិនិច្ឆ័យ DNA របស់មនុស្សយ៉ាងល្បីល្បាញផងដែរ។ការធ្វើតេស្តនេះ គឺមានភាពងាយស្រួលមែនទែនដោយគ្រាន់តែលោកអ្នកទៅក្រុមហ៊ុន Lexus ណាមួយដែលនៅជិតលោកអ្នក ហើយជួបជាមួយភ្នាក់ងារលក់ដើម្បីឲ្យគេយកបំពង់មួយដែលអ្នកអាចស្ដោះទឹកមាត់ដាក់ហើយយកទៅពិនិត្យ DNA អ្នក។

ត្រឹមរយៈពេលតែ ២ថ្ងៃ (៤៨ ម៉ោង)ប៉ុណ្ណោះ អ្នកនឹងទទួលបានរថយន្ត Lexus ថ្មីរបស់អ្នកភ្លាម នៅមុខផ្ទះរបស់អ្នកតែម្ដង។ រថយន្តនេះគឺធ្វើឡើងសម្រាប់អ្នកតែម្ដង ដោយមានទ្វារចូលប៉ុនល្មមកម្ពស់របស់អ្នក បូករួមនឹងកៅអីដែលមានកន្លែងផ្អែកក្បាលធំខុសពីធម្មតាទៀតផង ប្រសិនបើក្បាលអ្នកធំខុសពីមនុស្សទូទៅ។ មិនត្រឹមតែប៉ុណ្ណោះ រថយន្តនេះក៏មានដាក់នូវក្លិនទឹកអប់ដែលអ្នកចូលចិត្តរួចជាស្រេច ដែលវាអាចដឹងតាមការវិភាគ DNA របស់អ្នកតែម្ដង។

បើនិយាយពីកញ្ចក់ចំហៀងវិញ វាអាចប្ដូរពណ៌ទៅជាថ្លាច្បាស់ ឬក្រម៉ៅ ដើម្បីការពារអ្នកពីកាំរស្មី UV។ ម៉្យាងទៀត កញ្ចក់ខាងមុនមានការកាត់វាស់ឲ្យត្រូវនឹងដឺក្រេភ្នែករបស់អ្នកតែម្ដង ដោយអ្នកមិនចាំបាច់ប្រើវ៉ែនតា ក្នុងពេលបើកបរទៀតឡើយ។

ចំណុចដែលពិសេសបំផុត ពីរថយន្តនេះ គឺអ្នកមិនត្រូវការសោដើម្បីបញ្ឆេះទៀតឡើយ គឺអ្នកគ្រាន់តែយកអណ្ដាតអ្នកទៅលិឍនឹងដៃចង្កូតភ្លាមនោះ រថយន្តនឹងបញ្ឆេះតែម្ដងដោយវាអាចស្គាល់តាមរយៈទឹកមាត់របស់អ្នក។

មកដល់ចំណុចនេះហើយ Sabay សូមនិយាយសាច់ការម្ដងថាវីដេអូនេះ គឺធ្វើឡើងជា រឿងលេងសើច នោះទេ សម្រាប់ថ្ងៃ ១ មេសា ដែលជាប្រពៃណីរបស់ប្រទេសលោកខាងលិចដែលគេហៅថា April Fool's Day ជាថ្ងៃដែលគេអាចបោក កុហកគ្នាជាការកម្សាន្តសប្បាយដោយមិនមានការប្រកាន់ខឹងឡើយ។