ស្លាប់និងរបួសជាង ១ពាន់នាក់នៅស៊ីរី សង្ស័យវាយប្រហារប្រើអាវុធគីមីជាថ្មី (មានវីដេអូ)

2018-04-09 02:11:29
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានមនុស្សចំនួន ៧០ នាក់បានស្លាប់ ខណៈមនុស្សជាង ១ ០០០ នាក់ផ្សេងទៀត កំពុងទទួលរងផងប៉ះពាល់ នៅក្នុងការវាយប្រហារមួយដែលគេសង្ស័យថាប្រើប្រាស់អាវុធគីមីជាថ្មី នៅក្នុងទីក្រុង Douma ដែលកាន់កាប់ដោយក្រុឧទ្ទាមចុងក្រោយបង្អស់ នៅប្រទេសស៊ីរី។

ក្រុមអ្នកជួយសង្គ្រោះមួកស ហៅថា «White Helmets» បានបង្ហោះរូបភាព និងខ្សែវីដេអូបង្ហាញឲ្យឃើញ សាកសពជាច្រើននៅក្នុងបន្ទប់ក្រោមដី។ ពួកគេអះអាងថា ការស្លាប់ទំនងជាបន្តកើនឡើងទៀត។

គួរបញ្ជាក់ថា គេបានបន្ទោសលើការទម្លាក់គ្រាប់បែកធុង ពីឧទ្ធម្ភាគចក្រមួយគ្រឿងដែលមានផ្ទុកសារធាតុគីមីពុល Sarin។ ទោះបីជាយ៉ាងណា មិនទាន់មានការបញ្ជាក់ជាផ្លូវការដោយឯករាជ្យណាមួយអំពីរបាយការណ៍នេះឡើយ។

យ៉ាងណាមិញ ប្រធានាធិបតីអាមេរិក ដូណាល់ ត្រាំ បានវាយប្រហារទៅលើប្រធានាធិបតីស៊ីរី លោក Bashar al-Assad និងសម្ព័ន្ធមិត្តរបស់លោក គឺ ប្រទេសរុស្ស៊ី និង អ៊ីរ៉ង់ ជុំវិញការវាយប្រហារដែលគេសង្ស័យថាប្រើអាវុធគីមីខាងលើ។ លោក ត្រាំ និយាយថា «វានឹងមានតម្លៃធំធេងសម្រាប់សងវិញ»។