៤ ចំណុចសំខាន់ពី ឡៅ ចន្ទ្រា ដែលអ្នកគាំទ្រអាចមិនដឹង

2018-04-09 06:41:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្អគ្រប់ក្បាច់ ឡៅ ចន្ទ្រា បានចូលហ្វឹកហាត់ប្រដាល់កាលកំឡុងឆ្នាំ២០១២ បច្ចុប្បន្នកីឡាកររូបនេះកំពុងមានឈ្មោះបោះសំឡេងល្បីរន្ទឺ និងសឹងរកដៃគូក្នុងស្រុកប្រកួតគ្មាន។ ប៉ុន្តែ ៤ ចំណុចសំខាន់នេះអ្នកគាំទ្រ អាចមិនដឹងថ្ងៃនេះ Sabay សូមធ្វើការបង្ហាញជូន៖

១-កីឡាករដែលជានិមិត្តរូប ( Idol ) ៖ បើទោះឃើញបងប្រុសវ៉ៃល្អ និងចង់ល្បីដូចបងប្រុសក្ដី ចន្ទ្រា មិនបានសម្លឹងឃើញបងប្រុសជា Idol របស់ខ្លួនឡើយ។ ផ្ទុយទៅវិញរូបគេបានចាត់ទុកអ្នកប្រដាល់កំពូលល្បិច ប៊ឺត ខាំ ជា Idol ។

២-ចូលហាត់ប្រដាល់ព្រោះបងចង់ល្បីដូចបងប្រុស៖ ដំណើរដើមទង នៃការចូលហាត់ប្រដាល់របស់គេ ក្រោមហេតុផលតែមួយគត់គឺចង់ល្បីដូចបងប្រុស ឡៅ ស៊ីណាត ចូលហាត់ប្រដាល់ដំបូងនៅឆ្នាំ២០១២ ដែលកាលនោះកំពុងសិក្សាថ្នាក់ទី៧។

បងប្អូនក្រកូល ឡៅ ទាំង ៣ នាក់

៣-មិនហ៊ានមើលការប្រកួតសំខាន់ៗ និងធ្លាប់ឲ្យទឹក ឡៅ ចិត្រា ៖ ចន្ទ្រា បានបំភ្លឺក្នុងកម្មវិធីសម្ភាសន៍មួយរបស់ទូរទស្សន៍ CNC ថា រូបគេមិនដែលទៅឲ្យទឹកប្អូនប្រុស ឡៅ ចិត្រា ឬមើលការប្រកួតរបស់ប្អូនឡើយ។ ក្រោយប្រកួតចប់ទើបមើលការប្រកួតរបស់ប្អូនតាម Youtube ឡើងវិញ នេះមកពីរូបគេមានអារម្មណ៍អាណិត នៅពេលឃើញប្អូនត្រូវបានគេវៃ។

ឡៅ ចិត្រា

៤-ដំណើរដើមទងចង់ក្លាយជាអ្នកប្រដាល់៖ ឡៅ ចន្ទ្រា បាននិយាយក្នុងកម្មវិធីសម្ភាសន៍ខាងលើដដែលថា ក្នុងឆ្នាំ២០១២ រៀននៅថ្នាក់ទី៧ ខ្លួនបាននិយាយទៅកាន់បងប្រុស ឡៅ ស៊ីណាតថា « បងខ្ញុំទៅហាត់ប្រដាល់ដែរ» ពេលនោះ ស៊ីណាត បានប្រាប់ទៅប្អូនវិញថា «ឯងច្បាស់អត់។ ប្រដាល់ហាត់ពិបាកណាស់ ព្រោះគ្រូជេរស្ដីច្រើន។ តែបើជ្រុលហាត់ហើយ ត្រូវប្រឹងឲ្យល្បី»។

ក្រោយទទួលបានការអនុញ្ញាតពីបងប្រុស ចន្ទ្រា សម្រេចទៅសុំម្ដាយ ដើម្បីឈប់រៀន និងបានចូលហាត់ប្រដាល់ពេលនោះម្ដាយរបស់គេបានឆ្លើយថា «ទៅវៃឈ្នះអ្នកណា បើគ្រាន់អញជេរក៏យំដែរ»។ ប៉ុន្តែក្រោយមកដោយសារការទទូចសុំរបស់ ចន្ទ្រា និងការតាំងចិត្តហ្វឹកហាត់គ្រួសារក៏យល់ព្រមឲ្យចូលហាត់ប្រដាល់ និងបានក្លាយជាអ្នកប្រដាល់ល្បីដូចសព្វថ្ងៃ៕