កូរ៉េខាងជើង និងកូរ៉េខាងត្បូង ត្រៀមប្រកាសបញ្ចប់សង្គ្រាមជារៀងរហូត
- 2018-04-18 01:35:11
- ចំនួនមតិ 0 | ចំនួនចែករំលែក 0
កូរ៉េខាងជើង និងកូរ៉េខាងត្បូង ត្រៀមប្រកាសបញ្ចប់សង្គ្រាមជារៀងរហូត
ចន្លោះមិនឃើញ
ប្រទេសកូរ៉េខាងជើង និងកូរ៉េខាងត្បូង កំពុងរៀបចំបញ្ចប់សង្គ្រាមជាផ្លូវការ នៅពេលដែលមេដឹកនាំប្រទេសទាំង ២ គឺ លោក គីម ជុងអ៊ុន និងប្រធានាធិបតី Moon Jae-in ជួបប្រជុំគ្នានៅសប្តាហ៍ក្រោយ។
បច្ចុប្បន្ននេះប្រទេសកូរ៉េទាំង ២ នៅតែមានសង្គ្រាមជាមួយគ្នា ដោយសារតែ សង្គ្រាមកូរ៉េ ឆ្នាំ ១៩៥០ ដល់ ១៩៥៣ បានបញ្ចប់ដោយបទឈប់បាញ់ មិនមែន សន្ធិសញ្ញាសន្តិភាពឡើយ។
គួរបញ្ជាក់ថា លោក គីម ជុងអ៊ុន បានកំណត់ពេលជួបជាមួយប្រធានាធិបតី Moon Jae-in នៅឯកិច្ចប្រជុំកំពូល ក្នុងប្រទេសកូរ៉េខាងត្បូង នៅថ្ងៃទី ២៧ ខែ មេសា ខាងមុខនេះ។ លោក គីម ជុងអ៊ុន នឹងក្លាយជាមេដឹកនាំកូរ៉េខាងជើងដំបូងបង្អស់ ដែលជាន់លើទឹកដីកូរ៉េខាងត្បូង បើគិតចាប់តាំងពីឆ្នាំ ១៩៥០ មក។
ជាមួយគ្នានេះដែរ មេដឹកនាំទាំង ២ ខាងលើ ក៏អាចនឹងពិភាក្សាគ្នាអំពីការដកកងកម្លាំងរបស់ខ្លួនមួយចំនួន ចេញពីតំបន់ព្រំដែនទៀតផង។
យ៉ាងណាមិញ លោក គីម ជុងអ៊ុន ក៏នឹងត្រូវជួបជាមួយប្រធានាធិបតីអាមេរិក លោក ដូណាល់ ត្រាំ ផងដែរនៅក្នុងខែឧសភា ឬ មិថុនា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
