ទីបំផុតរឿង "Maleficent 2” របស់ Angelina Jolie រកបានតួចិត្តអាក្រក់ហើយ

2018-04-18 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងរូបរាងសង្ហា Ed Skrein ដែលសម្ដែងជាតួអង្គចិត្តអាក្រក់ក្នុងរឿង "Deadpool” ពេលនេះបានបញ្ចប់ការចរចាមកចូលរួមសម្ដែងជាតួអង្គចិត្តអាក្រក់ថ្មីសម្រាប់រឿង "Maleficent 2” ជាផ្លូវការហើយ។

តារាសម្ដែង Ed Skrein

តារារូបនេះនឹងចូលរួមសម្ដែងជាមួយ Angelina Jolie និង Elle Fanning ដោយអ្នកទាំងពីរបានត្រលប់មកវិញបន្ទាប់ពីភាពយន្តវគ្គដំបូង ដោយចូលរួមដោយលោក Joachim Ronning ជាអ្នកដឹកនាំរឿង។

ចំពោះរឿងរ៉ាវពាក់ព័ន្ធនឹងតួអង្គដែលលោកត្រូវសម្ដែងនេះគឺត្រូវបានគេលាក់ទុកនៅឡើយ។

លោក Joe Roth គឺជាផលិតករ ខណៈដែលលោក Jez Butterworth និងអ្នកស្រី Linda Woolverton ជាអ្នកសរសេរប៉ារ៉ូលបង្ហើយ ដោយបន្តការងារពីលោក Micah Fitzerman-Blue និង Noah Harpster។

ពេលនេះរាល់ហេតុការណ៍ដែលនឹងកើតឡើងចំពោះវគ្គថ្មីនេះ គឺមិនទាន់ដឹងច្បាស់នៅឡើយថាត្រូវបន្តរបៀបណាពីភាពយន្តដំបូង។

“Maleficent” គឺជាភាពយន្តដកស្រង់ចេញពីរឿងតុក្កតារបស់ Disney “Sleeping Beauty” ដោយយកមកថតជាលក្ខណៈ Live Action (តួអង្គមនុស្ស) និងផ្ដោតសំខាន់ទៅលើតួអង្គ Maleficent ជំនួសវិញ។ ភាពយន្តនេះរកចំណូលបាន ៧៥៨,៥លានដុល្លារទូទាំងពិភពលោក៕