បើមិត្តភ័ក្តិអ្នកមាន ៦ចំណុចនេះ រាប់អានទៅមិនខុសឡើយ

2018-05-19 03:07:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ទម្រាំអាចហៅថាមិត្តភ័ក្ដិនឹងគ្នាបាន ត្រូវសម្លឹងមើលគ្នាយូរណាស់។ ព្រោះបើរាប់រកចំមិត្តខុស អ្នកនឹងស្ដាយក្រោយអស់មួយជីវិត ដូចនេះហើយមិត្តភ័ក្ដិមិនមែនចេះតែរាប់រកនោះទេ អ្នកត្រូវតែមើលចំណុច ៦ យ៉ាងនេះលើខ្លួនគេ និងអ្នក៖

១.យល់ដូចគ្នា

ជា best friend នឹងគ្នាបាន ទាល់តែការយល់ឃើញដូចគ្នា ហើយសម្ដីសំដៅ ឫកពាក៏គួរតែមានភាពស្រដៀងគ្នាទៀត។ នោះមកពីពួកគេបានស្វែងយល់រឿងជាច្រើនក្នុងសង្គមមកជាមួយគ្នា។

២.អាចមើលថែគ្នាទៅវិញទៅមក

ពេលម្នាក់ណាមានជំងឺ ម្នាក់ទៀតគឺជាអ្នកថែរក្សា។ បែបនេះទើបអាចហៅថាមិត្តល្អបាន ព្រោះបើម្នាក់ឈឺម្នាក់ទៀតមិនអើពើមើលថែ កុំសង្ឃឹមថាអាចក្លាយជាអ្នកយល់ចិត្តគ្នាបានឲ្យសោះ។

៣.អាចធ្វើរឿងជាច្រើនមួយគ្នា

ជាការពិតណាស់ដែលថាមិត្តល្អ មិនបណ្ដោយឲ្យអ្នកធ្វើអ្វីម្នាក់ឯងឡើយទាំងរឿងសប្បាយៗ រឿងឡប់ៗ រឿងល្អជាមួយគ្នាគ្រប់ពេល។

៤.ដឹងពីគំនិតគ្នាទៅវិញទៅមក

អ្នកមិនចាំបាច់ធ្វើវាទេ គ្រាន់តែសកម្មភាពចាប់ផ្ដើម ម្នាក់ទៀតដឹងថាចង់ធ្វើអីបាត់ទៅហើយ។ ចំណែកមិត្តវិញក៏ដូចគ្នា មិនបាច់ឲ្យនិយាយឡើយ អ្នកនឹងដឹងថាគេកំពុងគិតអ្វីបាត់ទៅហើយ។

៥.អ្នកទាំងពីរអាចយំ និងសើចដាក់គ្នា

បើម្ខាងទៀតមានទុក្ខ នោះម្នាក់នោះដែលជាមិត្តល្អក៏ប្រាកដជាមានទុក្ខដូចគ្នា។ បើសើចសប្បាយ មិត្តល្អអ្នកក៏អាចសើចសប្បាយបានដូចគ្នា ដោយមិនចាំបាច់សួរនាំរកឫសគល់ច្រើន។

៦.ដឹកដៃគ្នាទៅរកផ្លូវត្រូវ

នេះទើបហៅថាមិត្តល្អពិតប្រាកដមែន។ ពេលអ្នកឃើញមិត្តខុស អ្នកហ៊ាននិយាយពាក្យពិត ដោយតម្រែតម្រង់មករកផ្លូវត្រូវវិញ ហើយពេលអ្នកខុសគេគេក៏អាចធ្វើបែបនេះជាមួយអ្នកវិញដែរ៕

ចុចអាន៖

ប្រភព៖ Kanha ប្រែសម្រួល៖ ទ្រី រ៉ាវី