ប្រព័ន្ធចុះបញ្ជីយានយន្ត ត្រូវបានភ្ជាប់ជាមួយប្រព័ន្ធទិន្នន័យពន្ធគយ ជាផ្លូវការ!

2018-05-21 08:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងសាធារណការ បានឱ្យដឹងថា ការតភ្ជាប់ប្រព័ន្ធនេះ នឹងធ្វើការផ្ទៀតផ្ទាត់ លេខសម្គាល់សន្លឹកពន្ធនាំចូល ដើម្បីទាញយកព័ត៌មានយានយន្តមកប្រើប្រាស់ សម្រាប់ការចុះបញ្ជីយានយន្ត ដែលចូលរួមចំណែកយ៉ាងសំខាន់ ក្នុងការបង្កភាពងាយស្រួលដល់ការផ្តល់សេវា ទប់ស្កាត់ការក្លែងបន្លំឯកសារសាធារណៈ ចំណេញពេលវេលាក្នុងការចុះបញ្ជីយានយន្ត និងបង្កើនការប្រមូលចំណូលពន្ធគយផងដែរ។

រូបតំណាង

គិតចាប់ពីថ្ងៃដាក់ឲ្យដំណើរការសាកល្បងកាលពីថ្ងៃទី១២ ខែមីនា ឆ្នាំ២០១៨ មកដល់ថ្ងៃដាក់ឱ្យដំណើរការផ្លូវការនេះ មានរយៈពេលប្រមាណជាង ០២ខែ ដែលបានផ្ទៀងផ្ទាត់គល់បញ្ជីយានយន្តប្រមាណជិត ១០ម៉ឺនគ្រឿង (រថយន្តប្រមាណ ១៣ ០០០គ្រឿង)។

កាលពីថ្ងៃទី១០ ខែឧសភា ឆ្នាំ២០១៨កន្លងទៅ ក្រសួងសាធារណការ ក៏បានសម្រេចតភ្ជាប់ប្រព័ន្ធចុះបញ្ជីយានយន្តជាមួយនឹងប្រព័ន្ធទិន្នន័យពន្ធដា របស់អគ្គនាយកដ្ឋានពន្ធដា ផងដែរ។ ការតភ្ជាប់ប្រព័ន្ធនេះ នឹងអាចធានាបានថា យានយន្តដែលមកផ្ទេរកម្មសិទ្ធិ សុទ្ធតែបានបង់ពន្ធប្រថាប់ត្រាត្រឹមត្រូវ ហើយចំពោះយានយន្តដែលមិនបានបំពេញកាតព្វកិច្ចបង់ពន្ធលើមធ្យោបាយធ្វើដំណើរត្រឹមត្រូវនោះ ក៏ត្រូវប្រឈមមុខនឹងការលុបឈ្មោះចេញពីបញ្ជីយានយន្តផងដែរ៕