ស្មាតហ្វូនអនាគតរបស់ Vivo ត្រូវប្រទះឃើញប្រើនៅទីសាធារណៈ

  • 2018-05-26 06:54:23
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនថ្ងៃអនាគតរបស់​ Vivo ដែល​​មាន​ឈ្មោះ​ថា​ Apex មាន​អេក្រង់​លាត​ពេញ​ផ្នែក​ខាង​មុខ គ្មាន​ក្បាល​ឆក​ ត្រូវ​បាន​គេ​ប្រទះ​ឃើញ​កាន់​ប្រើ​នៅ​ទីសាធារណៈ​នៅ​ប្រទេស​ចិន។

តាម​រយៈ​រូបភាព​ ២ សន្លឹក​ដែល​គេ​ថត​បាន​ ហាក់​មិន​មាន​បង្ហាញ​អ្វី​ច្រើន​អំពី​ស្មាតហ្វូន Apex នេះ​ទេ ប៉ុន្តែ​មាន​បង្ហាញ​ថា​វា​មាន​រន្ធ​ដោត​កាស​នៅ​ផ្នែក​ខាង​លើ ដែល​ជា​រន្ធ​ប្រភេទ 3.5mm។

Vivo Apex ជា​ឈ្មោះ​ដែល​នៅ​ជា​ Concept នៅ​ឡើយ ហើយ​គេ​ជឿ​ថា​ឈ្មោះ​សម្រាប់​ផលិតផល​សម្រេចនឹង​មាន​ឈ្មោះ​ថា​ Vivo NEX។ Vivo NEX នេះដែរទំនងជានឹងមានបង្កប់កាមេរ៉ា Selfie នៅ​​ផ្នែក​ខាង​ក្នុង, មាន RAM ទំហំ​ ៨ GB និងបន្ទះឈីប Snapdragon 845។

Vivo នឹងប្រកាសចេញស្មាតហ្វូនអនាគតនេះនៅថ្ងៃទី ១២ ខែ​មិថុនាខាងមុខនេះហើយ៕


ប្រភព៖ GSMarena   ប្រែ​សម្រួល៖ សុខហេង