ចាប់​ពី​ iPhone 6s ឡើង​​មក​ដល់​ iPhone X នៅ​លើ​ផ្ទៃ​អេក្រង់​មាន​បង្កប់​នូវ​បច្ចេកវិទ្យា​ 3D Touch ដែល​បច្ចេកវិទ្យា​នេះ​ អាច​​ធ្វើ​ឲ្យ​ការ​ប្រើ​ប្រាស់​លើ​ iPhone កាន់​តែ​មាន​ភាព​រហ័ស​ និង​សម្បូរ​បែប​ជាង​មុន។ ថ្ងៃ​នេះ​ Sabay នឹង​បង្ហាញ​អំពី​ការ​បញ្ជា​សំខាន់ៗ​មួយ​ចំនួន​ជា​មួយ​បច្ចេកវិទ្យា​ 3D Touch ដែល​ម្ចាស់​ iPhone គួរ​ដឹង ៖

១. ចុច​លើ​ប៊ូតុង​ខ្វែង​នៃ​ផ្ទាំង​ Notification ដើម្បី​លុប​ចោល​ Notification ម្ដង​ទាំង​អស់។

២. ប្រសិន​បើ​អ្នក​រក្សា​ទុក​កម្មវិធី​ច្រើន​ក្នុង​ Folder តែ​មួយ ចង់​ដឹង​ថា​ Notification មាន​ចេញ​ពី​កម្មវិធី​ណា​អាច​ពិបាក​បន្តិច។ ប៉ុន្តែ​ជា​មួយ​ 3D Touch អ្នក​គ្រាន់​តែ​ចុច​លើ​ Folder មួយ​សន្ទុះ​ នោះ​​កម្មវិធី​ដែល​មាន​ Notification នឹង​លេច​ចេញ​មក​ភ្លាម​។

៣. ចុច​លើ​កម្មវិធី​ Camera ដើម្បី​ចេញ​ជម្រើស​នៃ​ការ​ថត អាច​ឲ្យ​អ្នក​រូប​បាន​លឿន។

៤. ចុច​លើ​កម្មវិធី​ដែល​កំពុង​ដោនឡូដ​ ដើម្បី​​​ចេញ​​ជម្រើស​ច្រើន​ ដូច​ជា​ Prioritise Download ជា​ដើម។

៥. ប្រើ​ 3D Touch លើ​ Control Center ដើម្បី​មាន​ជម្រើស​ច្រើន​​លើ​ Shortcut ដូច​ជា​ប្ដូរ​កម្រិត​ពន្លឺ​លើ​ការ​បើក​ពិល​ជា​ដើម។

​​​​​​​​​ ​​អ្វី​ដែល​បង្ហាញ​ខាង​លើ​នេះ​ត្រឹម​តែ​ជា​មួយ​ផ្នែក​តូច​នៃ​ការ​ប្រើ​ប្រាស់​បច្ចេកវិទ្យា​ 3D Touch ដោយ​នៅ​មាន​ចំណុច​ពិសេសៗ​ដទៃ​ទៀត​ជា​ច្រើន ដែល​ក្រុមការងារ​មិន​អាច​បង្ហាញ​បាន​អស់៕​

ប្រភព៖ iphonefaq   ប្រែ​សម្រួល៖ សុខហេង