ទីបំផុត BlackBerry ដើរតាមសម័យនឹងគេនឹងឯងហើយ
- 2018-06-08 03:04:47
- ចំនួនមតិ 0 | ចំនួនចែករំលែក 0
ទីបំផុត BlackBerry ដើរតាមសម័យនឹងគេនឹងឯងហើយ
ចន្លោះមិនឃើញ
BlackBerry KEY2 ជាស្មាតហ្វូនកាមេរ៉ាភ្លោះដំបូងគេរបស់ BlackBerry ដែលទើបបានប្រកាសចេញយប់មិញនេះ។
កាមេរ៉ាភ្លោះរបស់ KEY2 គឺមានកាមេរ៉ាមេមួយកម្រិត ១២ MP និងកាមេរ៉ាទីប្រើឡេនប្រភេទ Telephoto។ ប្រព័ន្ធកាមេរ៉ាភ្លោះនេះអាចថតរូបភាពបែប Portrait និងមានសមត្ថភាព Zoom ដោយមិនបាត់បង់គុណភាពរូបភាពទៀតផង។ ចំណែកកាមេរ៉ាខាងមុខមានកម្រិត ៨ MP ដែលមាន Flash អាចបាញ់ភ្លើងពេលថត Selfie នៅទីខ្វះពន្លឺ។
KEY2 នៅតែប្រើរចនាបថប្រចាំត្រកូលរបស់ BlackBerry ដែលមានបំពាក់នូវក្ដារចុចពិតៗ ហើយមានតួខ្លួនផលិតឡើងពីសារធាតុអាលុយមីញ៉ូម។ អេក្រង់មានទំហំ ៤,៥ អ៊ីញ ដែលមានមាត្រដ្ឋាន 3:2។
ស្មាតហ្វូននេះជាស្មាតហ្វូនធុនកណ្ដាល ហេតុនេះមានប្រើត្រឹមបន្ទះឈីប Snapdragon 660 តែប៉ុណ្ណោះ ប៉ុន្តែមាន RAM ទំហំ ៦ GB និងមានអង្គផ្ទុកទិន្នន័យទំហំ ៦៤ និង ១២៨ GB ហើយមានរន្ធសម្រាប់ដោតមេមូរីកាតផងដែរ។
BlackBerry អះអាងថាថ្មទំហំ ៣៥០០ mAh លើ KEY2 នេះអាចប្រើប្រាស់បានរហូតដល់ ២ ថ្ងៃឯណោះ។ ប្រព័ន្ធប្រតិបត្តិការដែលដំណើរការលើ KEY2 គឺជា Anroid 8.1 Oreo។
ត្បិតថាជាស្មាតហ្វូនធុនកណ្ដាលមែន ប៉ុន្តែ KEY2 មានតម្លៃរហូតដល់ ៦៤៩ ដុល្លារ ដោយគ្រោងនឹងចេញលក់លើពិភពលោកនៅចុងខែមិថុនានេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
