សា្លកលេខពិសេស ទុកដល់តកូនតចៅ អាចនឹងមានលក់ឆាប់ៗនេះ

2018-06-23 08:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋមន្ត្រីក្រសួងសាធារណការ និងដឹកជញ្ជូនបានថ្លែងឲ្យដឹងថា ក្រសួងកំពុងរៀបចំអនុក្រឹត្យថ្មីមួយ ដើម្បីលក់ស្លាកលេខពិសេសបន្ថែមទៀតដែលមានតម្លៃខ្ពស់ និងអាចដកទុក នៅពេលលក់យានយន្ត ដើម្បីបង្កការងាយស្រួលក្នុងការរក្សាលេខល្អ ក៏ដូចជាផ្ទេរបន្តទៅកូនចៅបាន។ បច្ចុប្បន្ន នៅពេលលក់យានយន្ត ស្លាកលេខក៏ត្រូវលក់ទៅជាមួយយានយន្តផងដែរ។

លោកទេសរដ្ឋមន្ត្រីបានបន្តថា នៅបរទេសក៏បានអនុវត្តការលក់លេខពិសេសដែលអាចផ្ទេរទៅកាន់សាច់ញាតិ កូនចៅ បានផងដែរ។ លោក ស៊ុន ចាន់ថុល បន្ថែមថា ចាប់តាំងពីថ្ងៃទី៣០ ខែមករា ឆ្នាំ២០១៧ នៃការដាក់ឲ្យដំណើរការប្រព័ន្ធអនឡាញដើម្បីចុះបញ្ជីយានយន្ត ក៏ដូចជាលក់ស្លាកលេខពិសេសរួចមក ស្លាកលេខត្រូវបានលក់ជាង៦ម៉ឺនលេខ ចូលក្នុងថវិកាជាតិជាង ១០លានដុល្លារអាមេរិក។

ការថ្លែងរបស់រដ្ឋមន្ត្រីក្រសួងសាធារណការ និងដឹកជញ្ជូន ត្រូវធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមណ្ឌលផ្តល់សេវាបណ្ណបើកបរ នៅផ្សារទំនើបអ៊ីអន២ ខណ្ឌសែនសុខ កាលពីថ្ងៃទី២២ ខែមិថុនា ឆ្នាំ២០១៨៕