ឃើញ Link ទាញយកហ្គេម Fornite លើ Android តែហ៊ានអនុវត្តតាមប្រយ័ត្នស៊យធំ

2018-06-25 11:58:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Epic Games ធ្លាប់បានប្រកាសម្តងរួចមកហើយ សម្រាប់ប្រព័ន្ធ Android អាចមានសិទ្ធិទាញយកហ្គេម Fortnite ក្នុងអំឡុងរដូវក្តៅ ឆ្នាំ ២០១៨ ប៉ុន្តែចម្លែកអ្វីមានវីដេអូចែករំលែកមួយចំនួនលើគេហទំព័រ YouTube បានប្រើល្បិចបញ្ឆោតបង្កើតជា Link ក្លែងក្លាយ ដែលអាចបង្កផលប៉ះពាល់ធ្ងន់ធ្ងរដល់អ្នកប្រើប្រាស់។

ស្របពេលប្រជាប្រិយភាពរបស់ Fortnite កាន់តែផ្ទុះឡើង ជនខិលខួចលើប្រព័ន្ធអ៊ីនធឺណិតក៏ឆ្លៀតឱកាសបង្កើតនូវ Link ក្លែងក្លាយមានបង្កប់ Malware កេងផលប្រយោជន៍ពីម្ចាស់ឧបករណ៍។

ថ្លែងប្រាប់សារព័ត៌មាន The Independent អ្នកស្រាវជ្រាវនូវស្ថាប័នបច្ចេកវិទ្យា ESET លោក Lukas Stefanko បានមានប្រសាសន៍ថា៖ "មានរាប់សិបវីដេអូលើ YouTube ដែលកំពុងមានអ្នកទស្សនារាប់លាននាក់ បានក្លែងបន្លំអ្នកប្រើប្រាស់ក្នុងការបង្កើតចំណូលសម្រាប់ខ្លួនឯង ហើយហានិភ័យខ្ពស់បំផុតត្រង់ថាមនុស្សចាប់ផ្ដើមជឿ និងព្រម Download គ្រប់ App ដែលពួកគេបានឃើញក្នុង Description ខាងក្រោមវីដេអូ។ បន្ថែមពីនេះ ខ្ញុំបានរកឃើញមេរោគ Trojan-SMS និងបណ្តា Ransomware ក៏ដូចជា Spying Software ជាច្រើនថែមទៀតផង"។

Example how you can get infected by downloading #Fortnite Android app from YouTube video with 130K+ views.
This one send SMS to premium rate number and downloads another fake app. pic.twitter.com/pYj8GZoqoZ
— Lukas Stefanko (@LukasStefanko) June 21, 2018

អ្នកស្រាវជ្រាវមួយរូបផ្សេងទៀតក៏បានបន្ថែម៖ "អ្នកប្រើប្រាស់គួរមានការប្រុងប្រយ័ត្នខ្ពស់ក្នុងការរុករកហ្គេម Fortnite សម្រាប់លេងលើ Android ដោយយើងជំរុញឲ្យអ្នករាល់គ្នាសូមធ្វើការទាញយកហ្គេមតែពីប្រភពដែលមានការអនុញ្ញាតច្បាស់លាស់ និងស្របច្បាប់ដូចជា Google Play”។

រំឭកដែរថា Fortnite បច្ចុប្បន្នអាចលេងបានលើឧបករណ៍ Xbox One, Playstation 4, Nintendo Switch, PC, Mac និង iOS លើកលែងតែប្រព័ន្ធ Android ប៉ុន្តែសង្កេតឃើញមានការចាប់អារម្មណ៍ច្រើន មិនដល់មួយឆ្នាំ មានអ្នកលេងសរុបដល់ទៅជាង ៤៥ លាននាក់៕