កាន់តែធ្ងន់ហើយ អ្នកចែកចាយស៊ីមបន្ត អត់យកអត្តសញ្ញាណប័ណ្ណ ប្រយ័ត្នជាប់គុក
- 2018-06-25 07:00:00
- ចំនួនមតិ 0 | ចំនួនចែករំលែក 0
កាន់តែធ្ងន់ហើយ អ្នកចែកចាយស៊ីមបន្ត អត់យកអត្តសញ្ញាណប័ណ្ណ ប្រយ័ត្នជាប់គុក
ចន្លោះមិនឃើញ
លោក អ៊ឹម វុត្ថា អ្នកនាំពាក្យនិយ័តករទូរគមនាគមន៍កម្ពុជា (TRC) បានព្រមានដល់បណ្ដាប្រតិបត្តិករដែលអនុញ្ញាតឲ្យអ្នកចែកចាយស៊ីមបន្ត លក់មិនយកអត្តសញ្ញាណប័ណ្ណអាចប្រឈមមុខនិងផ្លូវច្បាប់ធ្ងន់ធ្ងរ។
លោកថា ភាគីប្រតិបត្តិករត្រូវព្រមាននិងចាត់វិធានការដល់តំណាងចែកចាយ(dealer)ឱ្យតឹងរឹងបំផុត។ លោកបានពន្យល់ពីផលលំបាកថា អន្តរក្រសួង (ក្រសួងព័ត៌មាន-ក្រសួងមហាផ្ទៃ និងក្រសួងប្រៃសណីយ៍) កំពុងតែស្ថិតក្នុងដំណាក់កាលសំអាត និងលុបបំបាត់ ព័ត៌មានក្លែងក្លាយ (fake news)។
"ចុះបើមានស៊ីមកាត អត់អត្តសញ្ញាណប័ណ្ណ គេមិនយកទៅបង្កើត account ក្លែងក្លាយ។ ចឹងនេះហើយជាឬសគល់"។
លោកបានបញ្ជាក់ថាតួលេខគណនីហ្វេកប៊ុក (facebook) ពីក្រសួងមានជាង ៦,៨លានគណនី ខណៈតួលេខ អ្នកប្រើអ៊ីនធឺណិតសរុបប្រមាណជា ៨ លាននាក់ និងមានស៊ីមទូរសព្ទជាង ១៨ លានកំពុងប្រើប្រាស់ ក្នុងចំណោមក្រុមហ៊ុនទាំង ៧ កំពុងដំណើរការផ្ដល់សេវាសម្រាប់អតិថិជន។
និយតករទូរគមនាគមន៍កម្ពុជាបានដាក់កំហិត(ឱស្សានុវាទចុងក្រោយ) ត្រឹមថ្ងៃ ០១ កក្កដា ២០១៨ ដល់ក្រុមហ៊ុនទូរសព្ទទាំងអស់ត្រូវបញ្ឈប់ជាបន្ទាន់ ការបន្តលក់ស៊ីមគ្មានឯកសារដល់អ្នកប្រើប្រាស់ ដែលផ្ទុយច្បាប់និងបទបញ្ញត្តិ។
ការថ្លែងរបស់ឯកឧត្ដម ធ្វើឡើងក្នុងកិច្ចប្រជុំអន្តរក្រសួង រវាងស្ថាប័ននិងប្រតិបត្តិករទូរគមនាគមន៍ នៅការិយាល័យនិយ័តករទូរគមនាគមន៍កម្ពុជា (TRC) កាលពីថ្ងៃទី២៥ ខែមិថុនា ឆ្នាំ២០១៨៕
អានអត្ថបទបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
