អស់ទាស់! Smartphone ស៊េរីទំនើបនេះ បំពាក់កាមេរ៉ា ៩គ្រាប់
- 2018-07-04 04:06:57
- ចំនួនមតិ 0 | ចំនួនចែករំលែក 0
អស់ទាស់! Smartphone ស៊េរីទំនើបនេះ បំពាក់កាមេរ៉ា ៩គ្រាប់
ចន្លោះមិនឃើញ
ការប្រដេញសមត្ថភាពកាន់តែឡូយរបស់ ទូរសព្ទឲ្យកាន់តែទំនើប និងទាន់សម័យដើម្បីវាយគូប្រជែងលើទីផ្សារ ជាអ្វីដែលក្រុមហ៊ុនផលិតទូរសព្ទ កំពុងសម្ងំធ្វើ។ ជាក់ស្ដែងមុននេះបន្តិច Smartphone មួយគ្រឿង ត្រូវបានអះអាងថា បំពាក់កាមេរ៉ា ចន្លោះពី ៥ ទៅ ៩ ដើម្បីបង្អួត ភាពខ្លាំងរបស់ខ្លួន ក្នុងការចាប់យករូបភាព។
ទូរសព្ទស៊េរីចុងក្រោយបង្អស់ ដែលធ្លាយដំណឹងថា Light កំពុងសម្ងំផលិតទូរសព្ទគំរូ (Sample) មានកាមេរ៉ារហូតដល់ ៩គ្រាប់ ទំហំ 64MP ជាស៊េរីចុងក្រោយគេ នៃត្រកូល L16 ដែលចេញលក់កាលពី ២០១៧ ក្នុងតម្លៃ ១ ៩៥០ដុល្លារ។ កម្រិតចាប់យករូបភាព 64MP ជាសមត្ថភាពថ្មី ខ្ពស់បំផុតមួយ ក្រោយ Nokia ចេញលក់ Smartphone មិនជោគជ័យ ២ស៊េរី ដែលមានកាមេរ៉ា 41MP គឺ Lumia 1020 និង Pureview 808ប៉ុន្មានឆ្នាំមុន។
ភាពខ្លាំងរបស់ Smartphone មិនទាន់មានឈ្មោះជាក់លាក់នេះ ក្រៅពីចាប់រូបភាពបានច្បាស់ គុណភាពវីដេអូកម្រិតខ្ពស់ ការប្រើប្រាស់ (ថត) នៅទីតាំងខ្វះពន្លឺ (Low Light) ក៏ជាចំណុចលេចធ្លោរបស់ Light ដែលអត់ទាន់បានលាតត្រដាងពី ចំណុចពិសេសៗ (Spec) លំអិតនេះដែរ។
យ៉ាងណាក៏ដោយ Smartphone មានLen កាមេរ៉ាផ្នែកខាងក្រោយជារង្វង់ ៩គ្រាប់នេះ ត្រូវបានប៉ាន់ប្រមាណថា តម្លៃមិនក្រោមពាន់ដុល្លារឡើយ ត្បិតអី ស៊េរីចាស់របស់គេ L16 លក់ក្បែរ ២ខ្ទាស់ ទៅហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
