មុនការប្រកួតមកដល់ កីឡាករបែលហ្ស៊ិកនាំគ្នាសរសើរកីឡាករបារាំង

2018-07-10 03:45:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករសំខាន់របស់បែលហ្ស៊ិក Eden Hazard និង Kevin De Bruyne បាននាំគ្នាពោលពាក្យសរសើរទៅកាន់កីឡាករបារាំងពីនាក់គឺ N'Golo Kante និង Kylian Mbappe មុនក្រុមទាំងពីរប៉ះគ្នាយប់នេះ។

Hazard បានលើកឡើងថា Kante គឺជាខ្សែបម្រើការពារល្អជាងលើលោក ហើយជឿបែលហ្ស៊ិកនឹងស៊ីបារាំងនៅ World Cup វគ្គពាក់កណ្ដាលផ្ដាច់ព្រ័ត្រ ប្រសិនមិត្តក្រុមលេងក្នុងកម្រិតល្អដូចគ្នា។ Hazard និង Kante ជាមិត្តរួមនឹងក្លឹបគ្នានៅ Chelsea ហើយពួកគេត្រូវប្រឈមមុខនឹងគ្នានៅកីឡដ្ឋាន Saint Petersburg រាត្រីនេះ។

ធ្លាប់លេងជាមួយគ្នា២រដូវកាល Hazard បានលើកគុណសម្បត្តិរបស់ Kante ជាខ្សែបម្រើល្អ។ ប្រសិនប្រកួតណាមួយដែលគេ (Kante)លេងល្អ នោះក្រុមនឹងមានឱកាសឈ្នះដល់ទៅ៩៥%។ មិនខុសពីមិត្តរួមជាតិ Kevin De Bruyne ក៏បានលើកពាក្យសរសើរទៅកាន់ Mbappeដែរថា ជាកីឡាករកំពុងរះ។

ខ្សែបម្រើរបស់ Man City រូបនេះនិយាយស្មោះអស់ពីចិត្តថា កាលពី១ឆ្នាំជាងមុន គេមិនដែលស្គាល់ Mbappe សោះ។ រហូតមួយរយៈចុងក្រោយកីឡាកររបស់ PSG រូបនេះបង្ហាញមុខប្រកួតច្រើន ទើបគេស្គាល់ច្បាស់។ De Bruyne បន្តថា Mbappe នឹងរះរហូតរយៈពេល១៥ឆ្នាំទៅមុខទៀត។ យប់នេះបារាំងនិងប៉ះបែលហ្ស៊ិកនៅម៉ោង១យប់ ដើម្បីមានឱកាសទៅវគ្គផ្ដាច់ព្រ័ត្រ៕