ផលិតករហូលីវូដចុះទៅភ្នំថាំហ្លួង សិក្សាពីរឿងក្មេងៗជាប់ក្នុងរូងភ្នំ ដើម្បីផលិតជាខ្សែភាពយន្ត

2018-07-10 23:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមផលិតករហូលីវូដបានចុះទៅដល់ជើងភ្នំថាំហ្លួង ដែលជាកន្លែងដែលក្មេងៗកីឡាករបាល់ទាត់ទាំង ១២នាក់ រួមនឹងគ្រូបង្វឹកគេមួយរូបទៀតនោះបានជាប់គាំង ដើម្បីសិក្សាលំអិតពីរឿងរ៉ាវដើមហេតុទាំងប៉ុន្មាន ក្នុងការផលិតជាខ្សែភាពយន្តមួយនៅថ្ងៃខាងមុខ។

អ្នកដឹកនាំផលិតសញ្ជាតិអាមេរិក២រូប លោក Scott និង Adam Smith បានចាប់ផ្ដើមធ្វើការសម្ភាសន៍ពាក់ព័ន្ធនឹងតំបន់ដែលនៅជុំវិញរូងភ្នំថាំហ្លូងដំបូងគេ ខណៈក្រុមអ្នកជួយសង្គ្រោះកំពុងនៅបន្តយកក្មេងៗចេញពីរូងភ្នំនោះ។

ផលិតករទាំង២រូបនេះ គ្រោងនឹងសរសេរសាច់រឿង ដោយធ្វើបទសម្ភាសន៍ផ្ទាល់ជាមួយតួអង្គសំខាន់ៗដូចជាក្រុមអ្នកជួយសង្គ្រោះ ជនរងគ្រោះ រួមនឹងក្រុមគ្រួសារក្មេងៗទាំងនោះផងដែរ។

លោក Scott ជឿជាក់ថា រឿងរ៉ាវជុំវិញការជួយសង្គ្រោះចេញពីរូងភ្នំនេះ គឺជាគម្រោងមួយដ៏ល្អបំផុតសម្រាប់ខ្សែភាពយន្ត ដោយសារតែរឿងនេះកំពុងតែកក្រើកស្ទើរពាសពេញពិភពលោក រួមនឹងការកោតសរសើរស្ញប់ស្ញែងចំពោះក្រុមអ្នកជួយសង្គ្រោះផងនោះ។