Hun Sen Cup ៖ កីឡាករសំខាន់ៗរបស់ស្វាយរៀងដែលជាប់ពិន័យ អាចលេងល្ងាចនេះបាន
- 2018-07-11 07:26:07
- ចំនួនមតិ 0 | ចំនួនចែករំលែក 0
Hun Sen Cup ៖ កីឡាករសំខាន់ៗរបស់ស្វាយរៀងដែលជាប់ពិន័យ អាចលេងល្ងាចនេះបាន
ចន្លោះមិនឃើញ
ប្រិយមិត្តមួយចំនួនប្រហែលជាមិនទាន់ច្បាស់ ថាតើកីឡាករសំខាន់ៗរបស់ស្វាយរៀង អាចចូលលេងពានរង្វាន់ Hun Sen Cup បានឬអត់នោះទេ បន្ទាប់ពីពួកគេរងពិន័យ៣ខែ ពីសហព័ន្ធ។
យ៉ាងណាមិញ ដើម្បីឱ្យច្បាស់នោះ លោក Conor Nestor គ្រូបង្វឹកក្រុមព្រះខ័នរាជស្វាយរៀងបានបញ្ជាក់ថា កីឡាករ អោម ឧត្តម សុក សំណាង ហ៊ុយ ផល្លីន អាំ សុវណ្ណារ៉ាត់ និង សារ៉េត គ្រីយ៉ា ដែលសហព័ន្ធពិន័យ៣ខែនោះ អាចចូលលេងបានក្នុងពាន Hun Sen Cup ។ លោកបានបញ្ជាក់ថា សហព័ន្ធពិន័យពួកគេតែក្នុងពានរង្វាន់លីគកំពូលកម្ពុជាប៉ុណ្ណោះ ខណៈដែលពានរង្វាន់ផ្សេងគឺអាចលេងបានធម្មតា។ ដូច្នេះ កីឡាករសំខាន់របស់ស្វាយរៀង ទាំងប៉ុន្មាននាក់នេះ សុទ្ធតែអាចមានវត្តមានបានពេលប៉ះវិសាខា នៅល្ងាចនេះ។
រំលឹកទៅវិញថា កីឡាករស្វាយរៀងប៉ុន្មាននាក់ខាងលើនេះ បានជាប់ពិន័យពីសហព័ន្ធបាល់ទាត់កម្ពុជា៣ខែ ដោយសារតែពួកគេចូលរួមវាយតប់ជាមួយកីឡាកររបស់ក្រុមក្រសួងការពារជាតិ អំឡុងពេលប្រកួតក្នុងលីគកំពូលកម្ពុជា។ យ៉ាងណាមិញ ការពិន័យរយៈពេលយូរនេះ គឺស្ថិតក្នុងលីគកំពូលប៉ុណ្ណោះ ដូចបានចែងបញ្ជាក់រួចស្រេច។
ក្នុងពានរង្វាន់ Hun Sen Cup ថ្នាក់ជាតិនៅល្ងាចនេះ ព្រះខ័នរាជស្វាយរៀង ដែលជាក្រុមការងារតំណែងជើងឯក នឹងត្រូវតតាំងជាមួយក្រុមវិសាខា នៅវេលាម៉ោង៦:៣០នាទីល្ងាច នាកីឡដ្ឋានខេត្តស្វាយរៀង សម្រាប់ជើងទី១។ ខណៈដែលការប្រកួតគឺធ្វើឡើង២ជើង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
