អតីតបុគ្គលិក Apple អាចជាប់គុក ១០ ឆ្នាំ រឿងលួចគម្រោងការឡានបើកស្វ័យប្រវត្តិ

2018-07-11 07:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្នាក់ងារស៊ើបអង្កេត FBI បានធ្វើការចោទប្រកាន់លើអតីតបុគ្គលិកក្រុមហ៊ុន Apple ឈ្មោះ Xiaolang Zhang ពីបទលួចយកអាថ៌កំបាំងនៃពាណិជ្ជកម្ម។

រូបតំណាង

Zhang ត្រូវបាន Apple ជួលកាលពីខែធ្នូ ឆ្នាំ ២០១៥ ដើម្បីធ្វើការលើ Project Titan ដោយផ្ដោតលើ Software និង Hardware នៃរថយន្តបើកបរស្វ័យប្រវត្តិ។ នៅខែមេសាឆ្នាំ ២០១៨ បុគ្គលិករូបនេះបានសុំច្បាប់ឈប់សម្រាកក្រោយពីកូនរបស់ខ្លួនបានកើត និងបានធ្វើដំណើរទៅប្រទេសចិនក្នុងអំឡុងពេលនោះ។

រូបតំណាង

មួយរយៈក្រោយមក Zhang បានប្រាប់ដល់អ្នកគ្រប់គ្រងរបស់ខ្លួននៅក្រុមហ៊ុន Apple ថាសុំឈប់ពីការងារ និងរើទៅនៅប្រទេសចិនដើម្បីធ្វើការឲ្យក្រុមហ៊ុន Xmotors ជា Start-up មួយដែលផ្ដោតលើរថយន្តបើកបរស្វ័យប្រវត្តិដែរ។

រូបតំណាង

ព្រោះរឿងរ៉ាវនេះនាំឲ្យ ក្រុមរក្សាសុវត្ថិភាពផលិតផលថ្មីរបស់ Apple ចាប់ផ្ដើមធ្វើការស៊ើបអង្កេតលើសកម្មភាពរបស់ Zhang។ ក្នុងដំណើរការស៊ើបអង្កេតគេប្រទះឃើញតាមវីដេអូនៃកាមេរ៉ាសុវត្ថិភាពដែលបង្ហាញថា Zhang បានមកកាន់ទីស្នាក់ការ Apple នៅថ្ងៃសៅរ៍ ទី ២៨ ខែមេសា និងបានចូលទៅមន្ទីរសិក្សាពីរថយន្តបើកបរស្វ័យប្រវត្តិ។ ពិនិត្យឲ្យស៊ីជម្រៅទៅថ្ងៃដែល Zhang មកពីទីស្នាក់ការ ស៊ីគ្នានឹងម៉ោងដែលទិន្នន័យនៃ Project Titan ត្រូវបានគេដោនឡូដ។

រូបតំណាង

ភស្តុតាងដែលមានទាំងប៉ុន្មានត្រូវបាន Apple ប្រគល់ទៅឲ្យ FBI និងនាំឲ្យមានការសួរចម្លើយ Zhang នៅចុងខែមិថុនា ហើយ Zhang ក៏បានសារភាពថាពិតជាបានលួចទិន្នន័យ និងត្រូវបានគេឃាត់ខ្លួននៅថ្ងៃទី ៧ ខែកក្កដា ក្រោយព្យាយាមរត់គេចទៅប្រទេសចិន។

បច្ចុប្បន្ននេះ Zhang ត្រូវប្រឈមមុខនឹងការជាប់ឃុំឃាំងរបស់ពេល ១០ ឆ្នាំ និងត្រូវពិន័យជាទឹកប្រាក់ ២៥០ ០០០ ដុល្លារ ទៀតផង៕

ប្រភព៖ 9to5Mac ប្រែសម្រួល៖ សុខហេង