Coutinho ស្នើសញ្ជាតិព័រទុយហ្គាល់ព្រោះរឿងសំខាន់មួយ

2018-07-18 02:35:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Philippe Coutinho អាចចាប់ផ្ដើមរដូវកាលថ្មីជាមួយ Barcelona ក្នុងនាមជាកីឡាករសញ្ជាតិអឺរ៉ុប មែនមែនអាមេរិកឡាទីនដូចពីមុនទេ។

Coutinho

មូលហេតុមកពីខ្សែប្រយុទ្ធវ័យ២៦ឆ្នាំបានស្នើសុំសញ្ជាតិព័រទុយហ្គាល់ តាមប្រពន្ធដើម្បីឲ្យ Barcelona មានចន្លោះទំនេរអាចទិញកីឡាករមកពីឡាទីនចូលក្រុមថែមទៀត។ នាង Aine Coutinho គឺជាជនជាតិព័រទុយហ្គាល់បានរៀបការជាមួយ Coutinho ក្នុងឆ្នាំ២០១២ ហើយមានកូនស្រីម្នាក់។

បច្ចុប្បន្នខ្សែប្រយុទ្ធប្រេស៊ីលរង់ចាំតែលិខិតឆ្លងដែនមកដល់ប៉ុណ្ណោះដើម្បីស្នើសញ្ជាតិព័រទុយហ្គាល់។ រដូវកាលមុនកីឡាករ៣រូបដែលគ្មានសញ្ជាតិអឺរ៉ុបក្នុងក្រុមគឺ Coutinho, Paulinho និង Yerry Mina។ យ៉ាងណាពេលនេះ Coutinho ជិតមានសញ្ជាតិព័រទុយហ្គាល់, Paulinho ខ្ចីជើងទៅប្រទេសចិនធ្វើឲ្យ Barca មានចន្លោះដើម្បីទិញកីឡាករក្រៅអឺរ៉ុបបន្ថែម។

ទោះជាបានសញ្ជាតិព័រទុយហ្គាល់ប៉ុន្តែ Coutinho នៅតែលេងឲ្យជម្រើសជាតិប្រេស៊ីលដដែលគឺមិនអាចប្ដូរទៅលេងឲ្យក្រុមជម្រើសជាតិផ្សេងបានឡើយ។ ដោយឡែក Luis Suarez និង Messi ដែលមកពីឡាទីនវិញពួកគេសុទ្ធតែមានសញ្ជាតិអឺរ៉ុបអស់ហើយដូចជា Suarez មានសញ្ជាតិអ៊ីតាលីតាមប្រពន្ធ ហើយ Messi មានសញ្ជាតិអេស្ប៉ាញ៕