មហាផ្ទៃ ត្រៀមប្រជែងពានកម្រិតខ្ពស់មួយនៅវៀតណាមចុងខែក្រោយ

2018-07-19 06:36:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទះក្រសួងមហាផ្ទៃ កំពុងត្រៀមចេញទៅប្រកួតពានកម្រិតខ្ពស់មួយនៅប្រទេសវៀតណាមខេត្តហូជីមិញ ដែលកម្មវិធីប្រកួតចន្លោះពីថ្ងៃទី២៨ ខែសីហា ដល់ថ្ងៃទី៤ ខែកញ្ញា ឆ្នាំ២០១៨ ។

លោក អ៊ូ សុផល

បើតាមលោក អ៊ូ សុផល គ្រូបង្វឹកបាល់ទះរបស់ក្លឹបមហាផ្ទៃបានឲ្យដឹងថា ក្រុមមហាផ្ទៃ នឹងចេញទៅប្រកួតពានកម្រិតខ្ពស់នេះថ្ងៃទី២៦ ខែក្រោយ។ ក្រុមចូលរួមមិនទាន់ច្បាស់តែលោកដឹងថា មានមកពីប្រទេសថៃ និងក្លឹបខ្លាំងមួយចំនួនរបស់វៀតណាម ដែលមានក្រុមសរុបប្រហែល ៦ (មិនទាន់ច្បាស់) ។

គ្រូបង្វឹករូបនេះបន្ថែមថា ក្រុមមហាផ្ទៃធ្លាប់ឈ្នះពានខាងលើនេះម្ដងរួចមកហើយ ប៉ុន្តែមិនចាំឆ្នាំ។ ពាននេះពីមុនៗមក មិនធ្លាប់មានក្រុមមកពីប្រទេសថៃចូលរួមឡើយ។ ក្រុមចូលរួមលើកនេះសុទ្ធតែជាក្រុមខ្លាំង ៗ និងមានកម្រិតប្រហាក់ប្រហែល និងខ្លាំងជាងមហផ្ទៃ។

ក្លឹបបាល់ទះមហាផ្ទៃ គឺជាជើងឯករងព្រឹត្តិការណ៍កីឡាករជាតិលើកទី២ ដែលពេលនោះបានប្រកួតចាញ់ក្រុមបាល់ទះវិសាខា ៣-១ នៅវគ្គផ្ដាច់ព្រ័ត្រ៕