Leicester City ទិញបាន Marez ថ្មីមកជំនួសកន្លែងដែលទំនេរ
- 2018-08-06 01:58:26
- ចំនួនមតិ 0 | ចំនួនចែករំលែក 0
Leicester City ទិញបាន Marez ថ្មីមកជំនួសកន្លែងដែលទំនេរ
ចន្លោះមិនឃើញ
Leicester City បានយល់ព្រមចុះកុងត្រាផ្ទេរយកកីឡាករសញ្ជាតិអាល់ហ្សេរី Rachid Ghezzal ពីក្លឹបនៅបារាំង Monaco ក្នុងតម្លៃ១០លានផោន។
កីឡាករវ័យ២៦ឆ្នាំមកដល់ក្រុមរហស្សនាមកញ្ជ្រោងទទួលបានកិច្ចសន្យារយៈពេល៤ឆ្នាំ។ គេត្រូវមកជំនួសដំណែងមិត្តរួមជាតិ Riyad Mahrez ដែលផ្ទេរទៅ Manchester City កាលពីពេលថ្មីៗក្នុងតម្លៃខ្លួន៦០លានផោន។
រដូវកាល២០១៧-១៧ Ghezzal បង្ហាញខ្លួនបាន៣៣ប្រកួត ក្នុងនោះលេងនៅ Champions League ៤ប្រកួត ទាត់បញ្ចូលទីបាន២គ្រាប់។ គេជាកីឡាករទី៥ដែលលោក Claude Puel នាំចូលក្នុងក្លឹប Leicester សម្រាប់រដូវក្ដៅនេះ បន្ទាប់ពីអ្នកចាំទី Danny Ward, ខ្សែការពារ Ricardo Pereira, Jonny Evans និងខ្សែបម្រើ James Maddison។
Rachid Ghezzal ក្រៅពីមានសញ្ជាតិអាល់ហ្សេរីដូច Mahrez និយាយពីមុខមាត់និងបច្ចេកទេសលេងក៏ស្រដៀងគ្នាដែរ ជាពិសេសជំនាញជើងឆ្វេងដូចគ្នាទៀត៕