គ្រូអាស៊ីអឺរ៉ុប ប្រាប់ហេតុផលក្រុមលេងមិនល្អនៅជុំទី២ លីគកំពូលកម្ពុជា
- 2018-08-07 08:31:22
- ចំនួនមតិ 0 | ចំនួនចែករំលែក 0
គ្រូអាស៊ីអឺរ៉ុប ប្រាប់ហេតុផលក្រុមលេងមិនល្អនៅជុំទី២ លីគកំពូលកម្ពុជា
ចន្លោះមិនឃើញ
លោក សុក វាសនា គ្រូបង្វឹកក្រុមអាស៊ីអឺរ៉ុប បានទទួលស្គាល់ថាក្រុមលេងមិនបានល្អទេនៅជុំទី២លីគកំពូលកម្ពុជានេះ ខុសឆ្ងាយពីជុំទី១ដែលពួកគេធ្វើបានយ៉ាងល្អ យកឈ្នះក្រុមខ្លាំងៗ។
សប្ដាហ៍ទី១៦កន្លងទៅ អាស៊ីអឺរ៉ុប បានបរាជ័យក្រោមថ្វីជើងរបស់ក្រុមណាហ្គាវើលក្នុងលទ្ធផល ៦-១ នៅដីខ្លួនឯង។ ការចាញ់ក្នុងលទ្ធផលច្រើនគ្រាប់នេះដែរ ត្រូវបានលោក សុក វាសនា ដែលជាគ្រូបង្វឹកបាននិយាយថាមកពីកីឡាករមានបញ្ហារបួសច្រើន ហើយកត្តាចាញ់ជាប់ៗគ្នាពេកក៏បានជះឥទ្ធិពលដល់ក្រុមទាំងមូលផងដែរ។
គ្រូបង្វឹកខាងលើបានបន្ដទៀតថាកីឡាករក្នុងក្រុមមួយចំនួនបែរជាគ្មានទំនុកចិត្ត ធ្វេសប្រហែសនៅតំបន់ការពារធ្វើឱ្យគេទាត់ចូលបានយ៉ាងងាយៗ។ មួយវិញទៀត ក្រុមទាំងមូលហាក់ដូចជាបាត់បង់សាមគ្គីភាពក្នុងក្រុម ការលេងបាល់ដោយបាត់បាល់ស្រួលៗពេក ធ្វើឱ្យដៃគូម្ខាងទៀតងាយស្រួលក្នុងការយកឈ្នះ។ ទាំងនេះគឺជាចំណុចដែលបានកើតឡើងលើអាស៊ីអឺរ៉ុបនៅជុំទី២លីគនេះ។
លោក រំពឹងថាក្រុមទាំងមូលនឹងធ្វើបានល្អឡើងវិញសម្រាប់ប្រកួតនៅសល់។ ស្របពេលដែលការប្រកួតកន្លងទៅ ប៉ះសុទ្ធតែក្រុមខ្លាំងៗ ទើបលទ្ធផលមិនបានគាប់ប្រសើរ។ ខណៈដែលក្រុមដែលនៅសល់ប៉ុន្មានប្រកួតខាងមុខ លោក វាសនា មើលឃើញថាសុទ្ធតែអាចមានឱកាសឈ្នះបាន។
ឆ្លងកាត់១៦ប្រកួតមកនេះ អាស៊ីអឺរ៉ុប ឈរនៅចំណាត់ថ្នាក់លេខ៨ក្នុងតារាង មាន១៨ពិន្ទុ ឈ្នះ៥ប្រកួត ស្មើ៣ និងចាញ់៨ប្រកួត។ សម្រាប់ជើងទី២នេះវិញ ពួកគេមិនទាន់ស្គាល់ជ័យជម្នះនៅឡើយទេ ឆ្លងកាត់៥ប្រកួតមកនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
