កីឡាករ Chelsea ដែលលេង World Cup អាចអវត្តមានប្រកួតដំបូង

2018-08-08 01:18:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Maurizio Sarri អ្នកចាត់ការទូទៅថ្មីរបស់ Chelsea ទំនងជាមិនដាក់កីឡាករណាដែលទើបត្រឡប់ពីបេសកកម្ម World Cup ឲ្យលេងនោះទេនៅការប្រកួតដំបូង Premier League។

Sarri

ក្របខ័ណ្ឌកំពូលអង់គ្លេសសប្ដាហ៍ទីមួយនឹងវិលមកវិញនៅថ្ងៃសៅរ៍នេះខណៈ Chelsea ត្រូវធ្វើដំណើរទៅប៉ះ Huddersfield Town ក្នុងជំនួបក្រៅទឹកដី។ យ៉ាងណាអ្នកចាត់ការសញ្ជាតិអ៊ីតាលីដែលទើបកាន់តំណែងថ្មីៗនៅ Stamford Bridge បង្ហើបពីគោលបំណងរបស់ខ្លួនឲ្យកីឡាករដែលមមាញឹកនៅ World Cup សម្រាក។

N'Golo Kante និង Olivier Giroud ដែលឈ្នះ World Cup ជាមួយបារាំងបានឡើងដល់វគ្គផ្ដាច់ព្រ័ត្រ ហើយចំណាយពេលហ្វឹកហាត់តិចតួចប៉ុណ្ណោះជាមួយ បុរសវ័យ៥៩ឆ្នាំ។ Eden Hazard ដែលជួយ បែលហ្សិកដល់វគ្គពាក់កណ្ដាលផ្ដាច់ព្រ័ត្រក៏ជាគោលដៅអវត្តមានប្រកួតដំបូងដូចគ្នា។

អ្នកទាំង៣លេងត្រឹមជាកីឡាករបម្រុងប្ដូរចូលប៉ុណ្ណោះក្នុងប្រកួតដែល Chelsea ស្មើ ០-០ ជាមួយ Lyon នៅពាន International Champions Cup។ សួរពាក់ព័ន្ធនឹងការមិនដាក់ Kante, Giroud និង Hazard ឲ្យលេងពេលប៉ះ Huddersfield លោក Sarri បាននិយាយថា៖ "មែនហើយ ខ្ញុំក៏គិតចឹងដែរ"៕