ល្ងាចនេះ ណាហ្គា ចង់រកគ្រាប់បាល់បន្ថែម ស្របពេលបឹងកេតមិនរំពឹងវាយបកបាន
- 2018-08-08 03:10:13
- ចំនួនមតិ 0 | ចំនួនចែករំលែក 0
ល្ងាចនេះ ណាហ្គា ចង់រកគ្រាប់បាល់បន្ថែម ស្របពេលបឹងកេតមិនរំពឹងវាយបកបាន
ចន្លោះមិនឃើញ
ការប្រកួតជើងទី២ រវាង ណាហ្គាវើល និងបឹងកេត នឹងចាប់ផ្ដើមជើងទី២នៅម៉ោង ៦:៣០ នាទីល្ងាចនេះនៅពហុកីឡដ្ឋានជាតិ សម្រាប់ពាន Hun Sen Cup 2018 ដែលជាទឹកដីរបស់បឹងកេត។
កាលជើងទី១ណាហ្គាយកឈ្នះបឹងកេត ២-០ នៅស្តាតចាស់។ ចំណែកការប្រកួតល្ងាចនេះវិញលោក ហៅ សុជាតិ គ្រូបង្វឹកបឹងកេតធ្លាប់បានបញ្ជាក់ថា នឹងមិនងាយវាយបកណាហ្គា ដើម្បីឡើងទៅកាន់វគ្គបន្ទាប់ឡើយ ពីព្រោះក្រុមនេះមានកីឡាករកម្ពុជាល្អៗ និងជាក្រុមខ្លាំងមួយទាំងលីគ និង Hun Sen Cup។
គ្រូបង្វឹករូបនេះបានបញ្ជាក់ថា ចំណុចខ្សោយរបស់បឹងកេតក្នុងពាននេះគឺនៅខ្សោយការប្រយុទ្ធកាលជើងទី១។ ប៉ុន្តែល្ងាចនេះអាចល្អប្រសើរជាងជើងទី១ ដោយសារមានកីឡាករសំខាន់ៗមកជួយក្រុមវិញ ដូចជា ចាន់ វឌ្ឍនាកា និង ស៊ុន សុវណ្ណរិទ្ធី។
ស្របពេលលោក មាស ចាន់ណា បានអះអាងថា លោកមិនខ្វល់ពីកីឡាករកម្ពុជាល្អរបស់បឹងកេតមកជួយក្រុមវិញទេ ពោលគឺកម្រិតកីឡាករខ្មែរលោកគិតថា មិនខុសគ្នាខ្លាំង។ លោកនឹងប្រើទម្រង់ប្រយុទ្ធខ្លាំងដូចកាលជើងទី១ ដោយមិនខ្លាចទម្រង់លេងរបស់បឹងកេតឡើយ។ មួយវិញទៀតលោកមិនចង់រក្សាគ្រាប់បាល់ដែលឈ្នះកាលជើងទី១ ដោយលទ្ធផល ២-០ មកបញ្ចប់នៅជើងទី២នេះត្រឹម ២-០ ដដែលនោះទេ ពោលគឺចង់បានគ្រាប់បាល់បន្ថែមទៀតពីបឹងកេត។
គូប្រកួតល្ងាចនេះមាន៖
សាលាបាល់ទាត់ជាតិបាទី ប៉ះ អគ្គ.នគរបាលជាតិ ម៉ោង ៣:៣០ រសៀលនៅបាទី
ភ្នំពេញក្រោន ប៉ះ អង្គរថាយហ្គឺរ ម៉ោង ៦:៣០ ល្ងាចនាទីនៅ RSN
បឹងកេត ប៉ះ ណាហ្គា ម៉ោង ៦:៣០ ល្ងាចនៅពហុកីឡដ្ឋានជាតិ
ព្រះខ័នរាជស្វាយរៀង ប៉ះ ទ័ព ម៉ោង ៦:៣០ ល្ងាចនៅកីឡាដ្ឋានខេត្តស្វាយរៀង