Bale បំពេញតួនាទីជំនួស CR7 យ៉ាងល្អ ស្ដារមុខមាត់ឲ្យ Real ថ្ងៃបើកឆាកក្នុងលីគ
- 2018-08-20 02:06:53
- ចំនួនមតិ 0 | ចំនួនចែករំលែក 0
Bale បំពេញតួនាទីជំនួស CR7 យ៉ាងល្អ ស្ដារមុខមាត់ឲ្យ Real ថ្ងៃបើកឆាកក្នុងលីគ
ចន្លោះមិនឃើញ
Gareth Bale បានដើរតួនាទីយ៉ាងសំខាន់ជំនួស Cristiano Ronaldo ជួយ Real Madrid ធ្វើបានល្អឈ្នះ Getafe ២ទល់នឹង០ កាលពីយប់មិញដែលជាប្រកួតបើកឆាកដំបូងនៅ La Liga។
Dani Carvajal ជាអ្នករកគ្រាប់បាល់ដំបូងឲ្យ Real Madrid នៅនាទីទី២០ ធ្វើឲ្យសមាជិកក្រុមសប្បាយចិត្តជាខ្លាំង។ យ៉ាងណាមួយគ្រាប់នេះបានបន្តរហូតចប់ដល់វគ្គទី១។ ឈានដល់វគ្គទី២ នាទី៥១ Gareth Bale ដែលត្រូវរ៉ាប់រងជំនួសតំណែង Ronaldo ក្នុងការសកម្មរកគ្រាប់បាល់ អាចធ្វើបានមួយគ្រាប់ទៀត ដែលជាគ្រាប់ធានា៣ពិន្ទុឲ្យ Madrid នៅសប្ដាហ៍ដំបូង។
Madrid ទើបតែស្រងាកចិត្តកាលពីថ្ងៃព្រហស្បតិ៍សប្ដាហ៍មុន ដោយសារតែចាញ់ Atletico Madrid ៤ទល់២ ក្នុងពានរង្វាន់ UEFA Super Cup។ បរាជ័យនេះបានធ្វើឲ្យមតិមហាជនមួយចំនួន យល់ថាដោយសារបាត់ Cristiano Ronaldo និងអ្នកចាត់ការឆ្នើម Zinedine Zidane។ ប៉ុន្តែពេលនេះពួកគេបានសាងកិត្តិយសវិញ ក្នុង La Liga៕