ក្រុមកំពុងមានទំនុកចិត្តលើកពាន Acleda Cup 2018 លត់ក្រុមច្បារអំពៅ ៧-០

2018-08-20 04:12:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកំពុងមានទំនុកចិត្តក្នុងការលើកពាន Acleda Cup 2018 បានលត់ក្រុមបាល់ទាត់ ច្បារអំពៅ ៧-០ ក្នុងការប្រកួតសប្ដាហ៍ទី៦ កាលពីចុងសប្ដាហ៍កន្លងទៅនៅទីលានស្កាយសមុទ្រ។

ក្រុមកំពង់ត្រឡាច

ក្រុមកំពង់ត្រឡាច ដែលមកពីពូល C ត្រូវកំពុងបោះជំហានឡើងទៅកាន់វគ្គ ១៦ ក្រុមចុងក្រោយ ដោយ ៦ ប្រកួតឈ្នះទាំងអស់ ហើយពួកគេកំពុងមានទំនុកចិត្តអាចគ្រងជើងឯកពានខាងលើនៅឆ្នាំនេះ ក្រោយខកខានចំនួន ២ លើកជាប់ៗគ្នាឆ្នាំ២០១៦ និង២០១៧ នៅវគ្គផ្ដាច់ព្រ័ត្រ។ ៧គ្រាប់របស់ពួកគេដែលលត់ក្រុម ច្បារអំពៅរកបានដោយកីឡាករ ជួន សុមាន ២ គ្រាប់ ទឹម សៀកឡេង ១ គ្រាប់ សន វិបុល ១ គ្រាប់ ឌី ធន់វឌ្ឍនា ២ គ្រាប់ និង សាន ហ៊ួសេង ១ គ្រាប់។ សម្រាប់ច្បារអំពៅប្រកួត ៦ ឈ្នះ២ ស្មើ ១ ចាញ់៣។

នៅទីលានស្កាយសមុទ្រនេះដដែលក្រុម ការិយាល័យកណ្ដាល ក ដែលមកពីពូល B យកឈ្នះចំការដូង ៧-២ និងក្រុម សាខាឫស្សីកែវដែលមកពីពូល A ចាញ់ក្រុមកំពង់ឆ្នាំង៥-២។ ក្នុងថ្ងៃជាមួយគ្នានោះដែរក្រុមដែលលេងនៅទីលានវេស្ទើនវិញមានចំនួនពីរគូគឺក្រុមមកពីពូល A ដូនពេញយកឈ្នះផ្សារដើមថ្កូវ ៣-១ និងក្រុម អង្គស្នួលយកឈ្នះពោធិចិនតុង ៤-១។

សម្រាប់ដូនពេញប្រកួតចំនួន ៦ លើករបស់គេឈ្នះ៤ ស្មើ១ ចាញ់១ ស្របពេលក្រុមផ្សារដើមថ្កូវប្រកួត៦ដងឈ្នះ២ ចាញ់៤។ រីឯក្រុមអង្គស្នួលប្រកួត៦លើកក្នុងពូលឈ្នះ៤ស្មើ១ចាញ់១ និងក្រុមពោធិចិនតុងប្រកួត៦លើកឈ្នះ៣ ស្មើ១ ចាញ់២៕