Mourinho នឹងត្រូវ Man Utd ដេញចេញមុន Christmas ឲ្យតែនៅដឹកនាំបែបនេះ
- 2018-08-21 04:50:41
- ចំនួនមតិ 0 | ចំនួនចែករំលែក 0
Mourinho នឹងត្រូវ Man Utd ដេញចេញមុន Christmas ឲ្យតែនៅដឹកនាំបែបនេះ
ចន្លោះមិនឃើញ
Jose Mourinho ហាក់មិនសូវសប្បាយចិត្ត ហើយនឹងអាចចេញពី Old Trafford មុនដាច់ឆ្នាំនេះ។ នេះតាមការលើកឡើងរបស់អតីតកីឡាករ Mancherster United ម្នាក់ឈ្មោះថា Lee Sharpe។
United បានបរាជ័យដោយសារ Brighton ៣-២ កាលពីថ្ងៃអាទិត្យនៅកីឡដ្ឋាន Amex Stadium បន្ទាប់ពីសមាជិកក្នុងក្រុមលេងមិនត្រូវគ្នា។ ក្នុងថ្ងៃនោះដូចគ្នាក្រុមប្រជែងរួមទីក្រុង Manchester City បានលត់ Huddersfield Town ដល់៦-១។
បរាជ័យខាងលើ Mourinho ត្រូវបានសម្ដីបន្ទោសច្រើន ដោយសារមានបញ្ហាប្រព័ន្ធលេង។ អតីតអ្នកចាត់ការរបស់ Real Madrid បានខកខានជាច្រើនលើកក្នុងការផ្ទេរយកកីឡាករល្អៗមករួមក្រុមសម្រាប់រដូវកាលនេះ ហើយកាលពីឆ្នាំមុនមិនអាចជួយក្លឹបបានពានអ្វីសោះ។
កត្តាទាំងនេះ Lee Sharpe ដែលលេងឲ្យ Man Utd ពីឆ្នាំ១៩៨៨ដល់១៩៩៦ គិតថា វាគឺជាបញ្ហាមួយ ហើយអាចជំរុញបិសាចក្រហមធ្វើការផ្លាស់ប្ដូរណាមួយ។ "ខ្ញុំរំពឹងថា Jose អាចនឹងត្រូវបណ្ដេញចេញមុនថ្ងៃ Christmas។ ប្រសិនជាបន្តជាមួយភាពទទេបែបនេះ អ្នកគាំទ្រនឹងចាប់ចំណុច។ សកម្មភាពបែបនេះមិនអាចធ្វើឲ្យពួកយើងឡើងលើកំពូលតារាងបានទេ ដូច្នេះពួកយើងត្រូវតែផ្លាស់ប្ដូរ"។ សម្ដី Lee Sharpe ប្រាប់ Sky Sports៕