ចែករំលែកបន្ទាន់ ពាក់កាសយូរជាងមួយម៉ោង អាចនាំគ្រោះថ្នាក់ មិនជឿកុំប្រមាថ

2018-09-03 04:52:06
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅតាមដងផ្លូវ កន្លែងធ្វើការ ហាងកាហ្វេ ឬនៅផ្ទះ មានអ្នកទម្លាប់ចូលចិត្តពាក់កាសភ្ជាប់នឹងត្រចៀក ដោយយល់ថាជាការកម្សាន្តអារម្មណ៍ជាមួយតន្ត្រី អាចផ្ដោតលើការងារបាន។

លោកវេជ្ជបណ្ឌិត Shyam Anil Pai ជាអ្នកឯកទេស ផ្នែកវះកាត់ត្រចៀក ច្រមុះបំពង់ករ (ENT) នៅគ្លីនិក Aster Clinic បញ្ជាក់ថា កាសអាចប្រើបានដោយមានសុវត្ថិភាព ប៉ុន្តែសំឡេងពីតន្ត្រីលើឧបករណ៍នានាអាចបង្កផលប៉ះពាល់ដល់ផ្នែកខាងក្នុងត្រចៀកបាន។

សំឡេងតន្ត្រីគួរបង្កើនច្រើនបំផុតត្រឹមកម្រិត 80dB មិនគួរបង្កើនដល់ 85dB ឬលើសពីនេះឡើយ។ សំឡេងរំខានកម្រិត 100dB ច្រើនជាង ១៥ នាទី សឹងតែហាមប្រាណតែម្តង។ ជាការណែនាំ ការប្រើកាស មិនគួរប្រើច្រើនជាងមួយម៉ោងនោះទេ។

លោកវេជ្ជបណ្ឌិត Mohammad Samir Youssef ជាអ្នកឯកទេសផ្នែកត្រចៀក និងបំពង់ក នៅមជ្ឈមណ្ឌល AI Tadawi Medical Centre បានបញ្ជាក់ថា កម្រិតសំឡេង និងរយៈពេលស្តាប់ជាចំណុចសំខាន់ក្នុងការប្រើកាស។ បើស្តាប់ក្នុងរយៈពេលយូរច្រើនជាង ៩០ នាទី សំឡេងគួរតែបន្ថយតាមដែលអាចធ្វើបាន។

ក្មេងៗ និងយុវវ័យមួយចំនួនធំ មានបញ្ហាជាមួយ NIHL (Noise-Induced Hearing Loss) ដែលពិបាកស្តាប់យល់ពីអ្នកដទៃ ជាពិសេសនៅទីសាធារណៈ ហើយហេតុផលសំខាន់គឺមកពីស្តាប់តន្ត្រីលឺៗពេក។

ចំពោះកាសឥតគិតខ្សែ មានលក្ខណៈល្អប្រសើរជាង ដោយសារបញ្ចេញកម្រិតវិទ្យុសកម្មតិច ប៉ុន្តែនៅតែមានហានិភ័យ ពេលបើកសំឡេងលឺៗ និងរយៈពេលស្តាប់យូរ។ ល្អបំផុតគឺកម្រិតសំឡេងគួរតិចជាង 85dB និងរយៈពេលស្តាប់គួរតិចជាងមួយម៉ោង៕