Kepa ត្រៀមដណ្ដើមជម្រើសដំបូងពី De Gea នៅអេស្ប៉ាញ

2018-09-04 07:54:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Kepa Arrizabalaga អ្នកចាំទីចំណូលថ្មីរបស់ Chelsea ត្រៀមខ្លួនរួចជាស្រេចដើម្បីប្រជែងជាមួយ David de Gea ធ្វើជាអ្នកចាំទីដៃទីមួយរបស់ក្រុមជម្រើសជាតិអេស្ប៉ាញ។

Kepa

កីឡាករវ័យ២៣ឆ្នាំបង្ហាញខ្លួនឲ្យក្រុមជម្រើសជាតិបានម្ដងគត់ក្នុងការប្រកួតមិត្តភាពទល់នឹងកូស្តារីកាកាលពីខែវិច្ឆិកាឆ្នាំមុន។ Kepa ត្រូវកោះហៅសម្រាប់ព្រឹត្តិការណ៍ World Cup កន្លងទៅតែគ្មានឱកាសបង្ហាញខ្លួន ហើយនៅកម្មវិធីថ្មី UEFA Nations League រូបគេត្រូវគ្រូបង្វឹកថ្មី Luis Enrique បញ្ចូលឈ្មោះម្ដងទៀត។

ចំពោះ De Gea បច្ចុប្បន្នកំពុងរងការរិះគន់ក្រោយធ្លាក់ដៃនៅ World Cup ធ្វើឲ្យក្រុមបាត់បង់ឱកាសឈ្នះពាន ពិសេសការបង្កកំហុសក្នុងប្រកួតស្មើគ្នា ៣-៣ ជាមួយព័រទុយហ្គាល់។ យោងតាមការស្ទង់មតិមួយរបស់ Marca ជាកាសែតដ៏ធំនៅអេស្ប៉ាញគឺអ្នកគាំទ្រភាគច្រើនចង់ឃើញ Kepa លេងជាជម្រើសដំបូង។

យ៉ាងណា Kepa សុំមិនខ្វល់ពីការស្ទង់មតិក្រៅផ្លូវការដោយផ្ដោតលើការហ្វឹកហាត់ដើម្បីប្រជែងជាមួយ De Gea ជាសំខាន់។ "ការមានឈ្មោះក្នុងបញ្ជីជម្រើសជាតិគឺជាកិត្តិយសមួយទៅហើយ វាគឺជាអ្វីដែលពួកយើងចង់បាន ហើយខ្ញុំនឹងប្រឹងដើម្បីសម្រេចវា។ គ្រូបង្វឹកនឹងរើសថានរណាល្អបំផុតសម្រាប់ក្រុមនៅពេលហ្វឹកហាត់ខ្ញុំនឹងព្យាយាមបង្ហាញអ្វីដែលខ្ញុំមាន"៕