២ចំណុចក្រោមការដឹកនាំរបស់ Honda ខុសប្លែកពីការប្រមូលផ្ដុំជម្រើសជាតិមុនៗ

2018-09-05 02:43:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជាបានធ្វើការប្រមូលផ្ដុំកាលពីល្ងាចម្សិលមិញនេះនៅពហុកីឡដ្ឋានជាតិ ក្រោមការដឹកនាំរបស់ Keisuke Honda ដើម្បីត្រៀមការប្រកួតមិត្តភាពជាមួយក្រុមជម្រើសជាតិ ម៉ាឡេស៊ីថ្ងៃទី១០ ខែកញ្ញា ឆ្នាំ២០១៨។

សកម្មភាពហ្វឹកហាត់ថ្ងៃទី១

ទាក់ទងការប្រមូលផ្ដុំនេះត្រូវបានគេចាប់អារម្មណ៍ឃើញថា មានភាពខុសគ្នាខ្លាំងបើធៀបនឹងការប្រមូលផ្ដុំរបស់ជម្រើសជាតិកន្លងមក។

១-អ្នកសារព័ត៌មានមកពីច្រើនស្ថាប័ន៖ ក្នុងការប្រមូលផ្ដុំកន្លងមកត្រូវបានគេដឹងថា មានអ្នកសារព័ត៌មាន៣ឬ៤ស្ថាប័នប៉ុណ្ណោះ ដែលចុះមកយកព័ត៌មានពេលពេលជម្រើសជាតិប្រមូលផ្ដុំ ដែលក្នុងនោះ Sabay ជាស្ថាប័នមួយតែងចុះទៅយកផងដែរ។ មិនតែស្ថាប័នព័ត៌មានក្នុងស្រុកប៉ុណ្ណោះទេ ប៉ុន្តែត្រូវបានគេឃើើញមានស្ថាប័នព័ត៌មានមួយចំនួនដូចជា ស្ថាប័នព័ត៌មានមកពីប្រទេសជប៉ុន និង Channelnewsasia ជាដើម។

២-មានអ្នកទស្សនាក្នុងពេលហ្វឹកហាត់៖ កាលពីម្សិលមិញ មានមនុស្សមួយចំនួនបានទៅអង្គុយមើលការហ្វឹកហាត់របស់ក្រុមជម្រើសជាតិ។ ចំណុចនេះហាក់ខុសប្លែកពីការប្រមូលផ្ដុំមុនៗ ដែលមិនមានអ្នកចូលមើលដូចម្សិលមិញឡើយ។

ក្រៅពីការប្រមូលផ្ដុំត្រៀមការប្រកួតខាងលើកម្ពុជានៅសល់ពីរប្រកួតទៀតគឺជួបក្រុមជម្រើសជាតិ ទីម័រខាងកើត នៅថ្ងៃទី១២ ខែតុលា និងជួបក្រុមសិង្ហបុរី ថ្ងៃទី១៦ ខែតុលា ឆ្នាំ២០១៨ នៅពហុកីឡដ្ឋានជាតិ៕