ជួបជុំហ៊ោសប្បាយគ្រប់គ្នា ចម្លែកតែ Kante អៀនបានត្រឹមញញឹមម្នាក់ឯង

2018-09-05 02:38:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមម្ចាស់ជើងឯក World Cup ២០១៨ បារាំងបានប្រមូលផ្ដុំគ្នា ដើម្បីត្រៀមប្រកួតជាមួយអាល្លឺម៉ង់នៅថ្ងៃព្រហស្បតិ៍នេះ មុនពេលប៉ះហូឡង់នៅប្រកួតបន្ទាប់ ក្នុងពានរង្វាន់ UEFA Nations League។

អ្នកចាំទី Benjamin Lecomte របស់ក្លឹប Montpellier ត្រូវបានលោក Didier Deschamps កោះហៅឲ្យចូលជម្រើសជាតិ បន្ទាប់ពីអ្នកចាំទីដៃទីមួយ Hugo Lloris មានបញ្ហារបួស។ ទឹកមុខរបស់កីឡាករបារាំងទាំងអស់ហាក់រីករាយខ្លាំង ពេលបានជួបជុំគ្នាជាលើកដំបូងក្រោយឈ្នះពាន World Cup នៅរុស្សី។

អំឡុងពេលបរិភោគអាហារពេលល្ងាចជុំគ្នា កីឡាករបារាំងបាននាំគ្នាស្រែកហ៊ោ ជាពិសេស Benjamin Lecomt បានឡើងឈរលើកៅអីច្រៀងយ៉ាងរីករាយ។ ខុសពីមិត្តរួមក្រុមដ៏ទៃច្រៀងនិងគោះតុ Kante បែរមិនបញ្ចេញសកម្មភាពអ្វីទាំងត្រឹមអង្គុយញញឹមម្នាក់ឯង។ ជាការពិតនរណាក៏ដឹងថា កីឡាកររបស់ Chelsea រូបនេះជាមនុស្សកំពូលអៀន កាលជួយក្រុមឈ្នះ World Cup គេមិនហ៊ានសុំមិត្តរួមក្រុមកាន់ពានថតផង៕

ប្រភព៖ Dailymail ប្រែសម្រួល៖ ហេង សុធារិទ្ធិ