ល្មមហើយ! ទីក្រុងហាណូយ ជំរុញប្រជាជនឲ្យឈប់បរិភោគសាច់ឆ្កែ ព្រោះហេតុផល២

2018-09-12 02:30:34
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអង្គារកន្លងទៅនេះ មន្ត្រីក្រុងហាណូយ បានជំរុញអ្នកស្រុកឲ្យឈប់បរិភោគសាច់ឆ្កែ ដោយនិយាយថា ម្ហូបដ៏ពេញនិយមនេះបានធ្វើឲ្យខូចខាតដល់រូបភាពជារួមនៃទីក្រុង និងប្រឈមហានិភ័យនៃការរីករាលដាលជំងឺឆ្កែឆ្កួត។

សាច់ឆ្កែអាំង បំពង ឬ ចំហុយ ត្រូវបានដាក់លក់សុះសាយពេញទីផ្សារក្នុងប្រទេសវៀតណាម ហើយហាងលក់អាហារនៅតាមដងផ្លូវជាច្រើននៅទូទាំងទីក្រុងមានឈ្មោះល្បីល្បាញ ដោយសារតែការលក់សាច់ឆ្កែដែលមានរសជាតិឈ្ងុយឆ្ងាញ់ ដោយជាទូទៅត្រូវគេបរិភោគជាមួយបាយ ឬស្រាបៀ។

ផ្ទុយទៅវិញ គណៈកម្មាធិការប្រជាជនក្រុងហាណូយ កាលពីថ្ងៃអង្គារ បានព្រមានប្រជាពលរដ្ឋឲ្យបញ្ឈប់បរិភោគសាច់ឆ្កែតទៅទៀត ដើម្បីទប់ស្កាត់ការរីករាលដាលនៃជំងឺឆ្កែឆ្កួត និងជំងឺបង្កឡើងដោយសត្វផ្សេងទៀត។ ជាមួយគ្នានេះដែរ គេក៏បានជំរុញឲ្យប្រជាជនខ្លួន ឈប់បរិភោគសាច់ឆ្មា ដែលត្រូវបានគេហៅថា "ខ្លាតូច" នៅលើសៀវភៅមុខម្ហូបវៀតណាម ប៉ុន្តែវាមិនសូវមានប្រជាប្រិយភាពដូចសាច់ឆ្កែឡើយ តែនៅមានលក់តាមតំបន់ជនបទ។

សេចក្ដីថ្លែងការណ៍មួយបានឲ្យដឹងថា ជារឿយៗ ការសម្លាប់សត្វទាំងនេះ គឺមានសភាពឃោរឃៅណាស់ ហើយរដ្ឋាភិបាលទីក្រុងហាណូយ សង្ឃឹមថាវាអាចត្រូវលុបចោលជាបណ្តើរៗ។

គួរឲ្យដឹងថា នៅក្នុងទីក្រុងហាណូយមានសត្វឆ្កែ និងឆ្មា ប្រមាណ ៤៩៣ ០០០ក្បាល ដែលភាគច្រើនត្រូវបានគេរក្សាទុកជាសត្វចិញ្ចឹម និងមានហាងប្រហែល ១ ០០០កន្លែង បើកទ្វាលក់សាច់សត្វទាំងនេះ។

យ៉ាងណាមិញ មានមនុស្ស៣នាក់ហើយ ដែលបានស្លាប់ដោយសារជំងឺឆ្កែឆ្កួត នៅក្នុងទីក្រុងហាណូយ ចាប់តាំងពីឈានចូលឆ្នាំ២០១៨ មក ហើយមនុស្ស ២នាក់ដទៃទៀត ត្រូវបានរកឃើញថា ឆ្លងមេរោគ៕

ចុចអាន៖