Richarlison កីឡាករឡើងជើងរបស់ Everton រកបាន២គ្រាប់ឲ្យប្រេស៊ីលនៅប្រកួតដំបូង

2018-09-12 03:10:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃបង្ហាញខ្លួនជាលើកដំបូងឲ្យជម្រើសជាតិប្រេស៊ីលឈុតធំ Richarlison ដែលកំពុងមានទម្រង់លេងល្អជាមួយ Everton អាចរកបាន២គ្រាប់ម្នាក់ឯងក្នុងការប្រកួតមិត្តភាពជាមួយ El Salvador។

Richarlison និង Costa

ការប្រកួតដែលទើបបញ្ចប់នៅប៉ុន្មាននាទីមុននេះ ប្រេស៊ីលបានបំបាក់ El Salvador ដល់ទៅ៥ទល់នឹង០។ Neymar ជាអ្នកបើកឆាករកគ្រាប់បានមុនគេ ដោយការទាត់ប៉េណាល់ទី មុនពេល Richarlison និង Coutinho រកបានគ្រាប់បន្តនៅវគ្គទីមួយ។

ឈានដល់វគ្គទីពីរ ប្រេស៊ីលនៅតែមិនបន្ធូរដៃបានបន្ថែមពីរគ្រាប់ទៀតសម្រេចដោយ Richarlison និងខ្សែការពារ Marquinho។ ត្បិតតែជាប្រកួតដំបូងតែ Richarlison វ័យ២១ឆ្នាំបានក្លាយជាទីចាប់អារម្មណ៍របស់អ្នកគាំទ្រ តាមរយៈទម្រង់លេងនិងការទាត់បញ្ចូលទីអស្ចារ្យរបស់គេ។

Richarlison ទើបតែផ្ទេរមកកាន់ Everton នៅរដួវកាលនេះក្នុងតម្លៃ៣៥លានផោន ពីក្លឹប Watford។ ជារឿងពិសេសបង្ហាញខ្លួនឲ្យ Everton ៣ប្រកួតនៅ Premier League ខ្សែប្រយុទ្ធរូបនេះរកបាន៣គ្រាប់ហើយ កំពុងប្រជែងតំណែងអ្នកទាត់បញ្ចូលទីច្រើនជាងគេ៕