ដូច​ការ​គ្រោង​ទុក​ក្របខ័ណ្ឌ​កំពូល​អេស្ប៉ាញ​ ឬ​ La Liga នឹង​មាន​ការ​ប្រកួត​ក្រៅ​ប្រទេស​អេស្ប៉ាញ​នៅ​រដូវ​កាល​ថ្មី​នេះ​ហើយ​សម្រាប់​ប្រកួត​ដំបូង​បំផុត​នឹង​ធ្វើ​នៅ​ទីក្រុង​ Miami លើ​ទឹកដី​សហរដ្ឋ​អាមេរិក។

ជំនួប​ដែល​ត្រូវ​ប៉ះ​គ្នា​គឺ​ការ​លេង​រវាង​ Girona និង​ Barcelona សម្រាប់​សប្ដាហ៍​​២១​ ដោយ​ក្លឹប​ទាំង​ពីរ​បាន​ព្រមព្រៀង​គ្នា​លើក​ការ​ប្រកួត​ដែល​ធ្វើ​នៅ​កីឡដ្ឋាន Estadi Motilivi ​ថ្ងៃ​ទី​២៦​ មករា​នោះ​ ទៅ​លេង​នៅ​កីឡដ្ឋាន​ The Hard Rock របស់​អាមេរិក​វិញ។

កត្តា​ចម្បង​ដែល​នាំ​ឲ្យ​មាន​ការ​ប្រកួត​ La Liga ក្រៅ​ទឹកដី​អេស្ប៉ាញ​គឺ​ដើម្បី​ទាក់ទាញ​​អ្នក​គាំទ្រ​នៅ​ជុំវិញ​ពិភពលោក​ និង​ឲ្យ​គ្រប់គ្នា​ស្គាល់​ក្របខ័ណ្ឌ​នេះ​កាន់​តែ​ច្បាស់​ថែម​ទៀត៕

ប្រភព៖ Metro   ប្រែសម្រួល៖ វីរ័ត្ន