UCL ២០១៨-១៩ ក្រុមទាំងអស់ៗទទួលបានប្រាក់ប៉ុន្មានតាមវគ្គនីមូយៗ?

2018-09-18 04:16:43
ចំនួនមតិ 0 | ចំនួនចែករំលែក 0

ចន្លោះមិនឃើញ

រាត្រីនេះជាថ្ងៃដំបូងនៃការបើកឆាកការប្រកួតពានរង្វាន់ទ្វីបអឺរ៉ុប Champions League ក្នុងនោះមាន៨គូត្រូវលេង។ Liverpool ប៉ះ PSG និង Inter Milan ជួប Spurs ជាគូមានការចាប់អារម្មណ៍ខ្លាំងជាងគេ។

យ៉ាងណាមិញ ហើយនិយាយពីប្រាក់រង្វាន់សម្រាប់រដូវកាលនេះ មានការកើនឡើងបន្តិចពីរដូវកាលចាស់។ រដូវកាលមុន ក្រុមដែលបានឡើងមកកាន់វគ្គ៣២ក្រុមទទួលបានប្រាក់១២,៧លានអឺរ៉ូក្នុងដៃ ប៉ុន្តែឆ្នាំនេះបានដល់១៥,២៥លានអឺរ៉ូ។

ជាទូទៅក្នុងវគ្គ៣២ក្រុមចុងក្រោយ ក្រុមទាំងអស់ត្រូវលេង៦ប្រកួត។ ក្នុងនោះតាមប្រព័ន្ធបែងចែកប្រាក់ ក្រុមដែលឈ្នះក្នុង១ប្រកួតទទួលបានប្រាក់២,៧លានអឺរ៉ូ បើលេងស្មើបាន៩សែនអឺរ៉ួ សម្រាប់ការចាញ់មិនបានប្រាក់ទេ។ ដូច្នេះប្រសិនក្រុមណាឈ្នះទាំង៦ប្រកួតក្នុងពូល នោះពួកគេនឹងទទួលបានប្រាក់១៦,២លានអឺរ៉ូ។

សម្រាប់ក្រុមដែលមានសមត្ថភាពឡើងដល់វគ្គ១៦ក្រុមចុងក្រោយ ពួកគេនឹងបានប្រាក់ស្វ័យប្រវត្ត៩,៥លានអឺរ៉ូ។ ចំពោះក្រុមឈានដល់វគ្គ៨ក្រុមចុងក្រោយនឹងបាន១០,៥លានអឺរ៉ូបន្ថែម។ ១២លានអឺរ៉ូនឹងបានទៅក្រុមដែលឡើងទៅវគ្គពាក់កណ្ដាលផ្ដាច់ព្រ័ត្រ។ ២ក្រុមឈានដល់វគ្គផ្ដាច់ព្រ័ត្រនឹងទទួលបានម្នាក់១៥លានអឺរ៉ូ ហើយក្រុមណាឈ្នះនឹងបាន៤លានអឺររ៉ូបន្ថែម៕

ប្រភព៖ UEFA ប្រែសម្រួល៖ ហេង សុធារិទ្ធិ