Lyon នឹងពិន័យអ្នកគាំទ្រមិនឲ្យមើលការប្រកួតមួយជីវិតព្រោះធ្វើកាយវិការណាស៊ី
- 2018-09-20 07:15:35
- ចំនួនមតិ 0 | ចំនួនចែករំលែក 0
Lyon នឹងពិន័យអ្នកគាំទ្រមិនឲ្យមើលការប្រកួតមួយជីវិតព្រោះធ្វើកាយវិការណាស៊ី
ចន្លោះមិនឃើញ
ក្លឹបបាល់ទាត់បារាំង Lyon នឹងដាក់ពិន័យអ្នកគាំទ្រម្នាក់របស់ខ្លួនមិនឲ្យទៅគាំទ្រក្លឹបដោយផ្ទាល់ពេញមួយជីវិតដោយសារបានអបអរធ្វើកាយវិការតាមកងណាស៊ី (Nazi) របស់អតីតមេដឹកនាំអាល្លឺម៉ង់ អាដុលហ្វ៍ ហ៊ីត្លែរ ដែលគេចាត់ទុកថាជាជនឃោរឃៅបំផុតក្នុងប្រវត្តិសាស្ត្រមនុស្សជាតិ។
អ្នកគាំទ្រដែលគេមិនទាន់បង្ហាញពីអត្តសញ្ញាណត្រូវកាមេរ៉ាថតជាប់ធ្វើកាយវិការតាម ណាស៊ី ក្នុងប្រកួតដែល Lyon យកឈ្នះ Manchester City ២ទល់នឹង១នៅកីឡដ្ឋាន Etihad។
ក្លឹបជើងខ្លាំងបារាំងបានចេញសេចក្ដីថ្លែងការណ៍ថាអ្នកគាំទ្រដែលរកឃើញប្រព្រឹត្តិកំហុសខាងលើនឹងត្រូវហាមឃាត់មិនឲ្យមើលការប្រកួតរបស់ក្លឹបទាំងនៅកីឡដ្ឋាន Groupama និងការប្រកួតក្រៅទឹកដីជារៀងរហូត។
គួរបញ្ជាក់ថា Lyon ចាប់ផ្ដើមរដូវកាលថ្មីដោយឈ្នះ២លើកពី៥ប្រកួតកន្លងមកនៅក្របខ័ណ្ឌកំពូលបារាំង។ នៅថ្ងៃអាទិត្យពួកគេនឹងបើកទ្វារផ្ទះស្វាគមន៍ Marseille នៅសប្ដាហ៍ទី៦៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
