អៃយ៉ា! ល្បិចដែល Mark Zuckerberg សុំគ្រួសារភរិយារៀបការគឺអញ្ចឹងទេ!

2014-11-15 17:47:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតជាសេដ្ឋីប្រាក់វាល់លានដុល្លារមែន តែរឿងស្នេហាក៏ត្រូវការតិចនិក និងវិធីសាស្ត្រត្រឹមត្រូវដែរដើម្បីចែចង់ និងធ្វើឲ្យក្រុមគ្រួសារខាងស្រីទទួលយកលោកដែរត្បិតជាជាតិសាសន៍ផ្សេងគ្នា។

ពិតណាស់ Mark Zuckerberg បានរៀបចំខ្លួនបានយ៉ាងល្អ មុននឹងបង្ហើបពាក្យសុំរៀបការទៅកាន់គ្រួសារខាងស្រី ពិសេសគឺលោកយាយរបស់ Priscilla ភរិយាលោកតែម្ដង។ ដូចដឹងហើយថា Mark គឺជាជនជាតិអាមេរិកតែខាងស្រីសុទ្ធតែជាជនជាតិចិន។ លោកបានបង្ហើបប្រាប់ដល់អ្នកចូលរួមនៅសាកលវិទ្យាល័យ Tsinghua ប្រទេសចិនថា៖ "ភរិយារបស់ខ្ញុំ (Priscilla Chan) ជាជនជាតិចិន។ គ្រួសាររបស់គាត់និយាយចិនទាំងអស់ ហើយលោកយាយរបស់គាត់ចេះនិយាយតែចិនតែម៉្យាងគត់។ ពេល Priscilla និងខ្ញុំសម្រេចចិត្តរៀបការ ខ្ញុំចូលទៅនិយាយសុំលោកយាយរបស់គាត់រៀបការជាភាសាចិនតែម្ដង។ ពេលនោះ គាត់ភ្ញាក់ផ្អើលខ្លាំងមែនទែន"។

ទម្រាំអាចឲ្យគ្រួសារខាងស្រីទទួលស្គាល់ និងភ្ញាក់ផ្អើលបែបនេះ Mark បានជម្នះរៀនភាសាចិនយ៉ាងលំបាក អស់រយៈពេលបីបួនឆ្នាំ ដោយមានភរិយាជាអ្នកចាំជួយបង្ហាត់បន្ថែមស្រាប់៕

ប្រែសម្រួល៖ សីហា

ប្រភព៖ Businessinsider