សាលី អ៊ូមើត ចេញប្រកួតកម្រិតពិភពលោកស្អែកនេះតំណាងឲ្យកម្ពុជាជាលើកទី១

2018-10-03 02:34:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាករម៉ូតូទឹកកម្ពុជា សាលី អ៊ូមើត នឹងធ្វើការប្រកួតស្អែកនេះវេលាម៉ោង ៧ ព្រឹក (ម៉ោងនៅអាមេរិក) ដែលជាការប្រកួតតំណាងឲ្យក្លឹប Flamingo jet ski racing team របស់កម្ពុជា ក្នុងព្រឹត្តិការណ៍កម្រិតពិភពលោកមាន ៥៦ ប្រទេសចូលរួម ដែលរៀបចំឡើងចន្លោះពីថ្ងៃទី១ ដល់១០ ខែតុលា ឆ្នាំ២០១៨។

សាលី អ៊ូមើត

ម្ចាស់មេដាយមាស Asian Games 2018 រូបនេះបានឲ្យដឹងថា ខ្លួននឹងធ្វើការប្រកួត៣វិញ្ញាសា ហើយលើកនេះជាលើកទី១ សម្រាប់ការប្រកួតតំណាងឲ្យកម្ពុជាក្នុងព្រឹត្តិការណ៍ធំបែបនេះ។ ពីមុនមករូបគេធ្លាប់ប្រកួតចំនួន៣លើករួចមកហើយ ក្នុងព្រឹត្តិការណ៍ពិភពលោក ប៉ុន្តែគឺការប្រកួតតំណាងឲ្យក្លឹបមួយនៅប្រទេសថៃ។

៣លើកដែលកីឡាករកម្ពុជារូបនេះចូលរួមគឺឈ្នះជើងឯកទាំង៣លើកតែម្ដង និងឈ្នះមេដាយសំរឹទ្ធពីរគ្រឿងផងដែរលើប្រភេទវិញ្ញាសាផ្សេងៗគ្នា។ ក្លឹបកីឡាម៉ូតូទឹក Flamingo jet ski racing team នេះគឺជាក្លឹបរបស់ សាលី អ៊ូមើត ខ្លួនឯងតែម្ដង ដែលទើបតែបង្កើតឡើងនាពេលថ្មីៗនេះ៕

អត្ថបទ៖ ស្រី សុវណ្ណដារ៉ា