ត្រាំពន្លះអ្នកសារព័ត៌មាន CNN កប់ៗមាត់ ក្រោយបោះឆ្នោតពាក់កណ្ដាលអាណត្តិ (មានវីដេអូ)

2018-11-08 06:39:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងសន្និសីទសារព័ត៌មានក្រោយការបោះឆ្នោតកាលពីថ្ងៃទី ៧ខែវិច្ឆិកានេះ ប្រធានាធិបតីអាមេរិកលោក ដូណាល់ ត្រាំ បានបើកការវាយប្រហារមិនសំចៃមាត់ទៅលើអ្នកសារព័ត៌មានរបស់ CNN។

អ្នកសារព័ត៌មានរបស់ CNN ម្នាក់ គឺលោក Jim Acosta បានរងការវាយប្រហារដោយប្រធានាធិបតីអាមេរិកទី ៤៥ ក្រោយសួរដេញដោលពីយុទ្ធនាការឃោសនារបស់លោកត្រាំ ដែលហៅជនអន្តោប្រវេសន៍ម៉ិកស៊ីកូថាជាក្រុមឈ្លានពាន។ ថ្លែងដោយសម្ដីធ្ងន់ៗទៅកាន់អ្នកសារព័ត៌មានរូបនោះ លោកត្រាំនិយាយថា "អ្នកគួរឲ្យខ្ញុំដឹកនាំប្រទេស ហើយអ្នកដឹកនាំក្រុមហ៊ុន CNN ទៅ។ ប្រសិនបើអ្នកធ្វើវាបានល្អ ម៉្លេះសមតែការវាយតម្លៃរបស់អ្នកល្អប្រសើរជាងនេះ។" លោក ដូណាល់ ត្រាំបន្ដថា "ខ្ញុំប្រាប់អ្នកទៅចុះ CNN គួរតែខ្មាសខ្លួនឯងដែលមានបុគ្គលិកដូចជាអ្នក។ អ្នកឯងជាមនុស្សឈ្លើយ និងអាក្រក់បំផុត ហើយមិនសមធ្វើការឲ្យ CNN នោះទេ អ្វីដែលអ្នកឯងប្រព្រឹត្តចំពោះអ្នកដទៃ គឺវាអាក្រក់ខ្លាំងបំផុត។”

គួរឲ្យដឹងថា សន្និសីទសារព័ត៌មាននេះ ធ្វើឡើងក្រោយការបោះឆ្នោតពាក់កណ្ដាលអាណត្តិអាមេរិក ដែលគណបក្សសាធារណរដ្ឋរបស់ប្រធានាធិបតី ដូណាល់ ត្រាំ បានចាញ់ឆ្នោតគណបក្សប្រជាធិបតេយ្យនៅក្នុងសភាតំណាងរាស្ត្រ៕