តោះ! មើលទម្រង់ដែលកម្ពុជាយកឈ្នះឡាវ ១-0 មុនប៉ះគ្នាសប្ដាហ៍ក្រោយ

2018-11-15 02:37:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជាបានយកឈ្នះទៅលើក្រុមជម្រើសជាតិឡាវ ១-០ ក្នុងជំនួបមិត្តភាពអន្តរជាតិក្នុងទឹកដីរបស់ឡាវនៅទីក្រុងវៀងចន្ទន៍កាលពីថ្ងៃ២១ ខែមីនា ឆ្នាំ២០១៨។

លោក ប្រាក់ សុវណ្ណារ៉ា

ជំនួបដែលកម្ពុជាយកឈ្នះឡាវនោះស្ថិតក្រោមការដឹកនាំរបស់លោក ប្រាក់ សុវណ្ណារ៉ា ដែលពេលនោះត្រូវបានគេដឹងថា ស៊ូ យ៉ាទី ជាតួអង្គយ៉ាងសំខាន់ដែលបានជួយក្រុមបានយ៉ាងច្រើន ពីការសម្រុក និងស៊ុតរបស់ក្រុមម្ចាស់ផ្ទះ។

ជម្រើសដែលកម្ពុជាដាក់១១នាក់ដំបូងនៅពេលនោះមាន អ្នកចាំទី ស៊ូ យ៉ាទី ខ្សែការពារ ហុង ផេង សឿយ វិសាល ឆេង ម៉េង និង អ៊ុក សុវណ្ណ ខ្សែបម្រើមាន ស៊ីន កក្កដា ម៉ាត់ ណូរ៉ុន អ៊ន ចាន់ប៉ូលីន ខ្សែប្រយុទ្ធ សុះ ស៊ូហាណា សុខ ហ៊ាង និង ចាន់ វឌ្ឍនាកា។ ប៉ុន្តែជម្រើសនេះមានប្ដូរចូលជាច្រើននាក់ដូចជា៖ ធារី ចន្ថាប៊ីន ប្រាក់ មុន្នីឧត្ដម កែវ សុខផេង រស់ សំអឿន និង ឃួន ឡាបូរ៉ាវី ជាដើម។ ការប្ដូរចូលកីឡាករល្អជាច្រើននាក់បានធ្វើឲ្យកម្ពុជារកគ្រាប់បាល់បានមួយគ្រាប់នៅនាទីទី៨៦ ដោយ ឃួន ឡាបូរ៉ាវី ជាអ្នកតែតបញ្ចូលទីក្រុមឡាវ។

សម្រាប់ទិន្នន័យមិត្តភាពរបស់ក្រុមកម្ពុជា និងឡាវធ្លាប់ជួបគ្នាចំនួន ១១លើកក្នុងនោះកម្ពុជាឈ្នះ៤ស្មើគ្នា៣ លើកនិងឡាវឈ្នះ៤ លើក។ ដោយឡែកនាថ្ងៃទី២០ ខែវិច្ឆិកា ឆ្នាំ២០១៨ ខាងមុខនេះក្រុមកម្ពុជា នឹងទទួលក្រុមឡាវជាថ្មីក្នុងការប្រកួតសន្សំពិន្ទុក្នុងពូល A នៃព្រឹត្តិការណ៍ AFF Suzuki Cup 2018 នៅពហុកីឡដ្ឋានជាតិវេលាម៉ោង ៦:៣០ នាទី៕

វីដេអូ Highlights