ក្រុមម៉ាឡេស៊ី Troll អ្នកចាំទីថៃ អស់ស្ទះ ក្រោយយកឈ្នះយប់មិញនេះ
- 2018-12-06 01:52:09
- ចំនួនមតិ 0 | ចំនួនចែករំលែក 0
ក្រុមម៉ាឡេស៊ី Troll អ្នកចាំទីថៃ អស់ស្ទះ ក្រោយយកឈ្នះយប់មិញនេះ
ចន្លោះមិនឃើញ
ក្រុមបាល់ទាត់ជម្រើសជាតិម៉ាឡេស៊ី បានយកឈ្នះលើក្រុមថៃបានឡើងទៅវគ្គផ្ដាច់ព្រ័ត្រពានរង្វាន់ AFF Suzuki Cup 2018 ហើយ ក្រោយលេងស្មើក្នុងដីថៃ ២-២ ក្នុងជើងទី២ ខណៈដែលជើងទី១កន្លងទៅបានត្រឹមស្មើគ្នា ០-០។
មុនការប្រកួតចាប់ផ្ដើម១ថ្ងៃ អ្នកចាំទីជម្រើសជាតិថៃ Chatchai Budprom បានជូនពរឱ្យក្រុមជម្រើសជាតិម៉ាឡេស៊ីទាំងអស់គេងលក់ឱ្យស្រួលនិងសុបិនល្អនៅរាត្រីនោះ ព្រោះថាការប្រកួតចាប់ផ្ដើម ពួកគេនឹងជួបសុបិនអាក្រក់ជាក់ជាមិនខាន។ ដោយឃ្លានេះ គឺចង់មានន័យថាក្រុមថៃ និងបំបាក់ម៉ាឡេស៊ី ដើម្បីឡើងទៅវគ្គផ្ដាច់ព្រ័ត្រ។
យ៉ាងណាមិញ លទ្ធផលនៃការប្រកួតបានបញ្ចប់ ក្រុមម៉ាឡេស៊ីឯណោះទេ ជាអ្នកយកឈ្នះក្រុមថៃបាន ហើយឡើងទៅវគ្គផ្ដាច់ព្រ័ត្រទៀត។ លទ្ធផលល្អនេះហើយ បានធ្វើឱ្យក្រុមម៉ាឡេស៊ី ចាប់ផ្ដើម Troll អ្នកចាំទីថៃវិញ។ ដោយក្នុងវីដេអូនោះ ក្រុមម៉ាឡេស៊ី ធ្វើជាគេងលក់១ភ្លែត ប៉ុន្តែភ្ញាក់មកវិញជាមួយការសប្បាយរីករាយ ហើយស្រែករកឈ្មោះ Chatchai Chatchai Chatchai ថែមទៀតផង។
ឡើងទៅវគ្គផ្ដាច់ព្រ័ត្រ ម៉ាឡេស៊ី អាចនឹងជួបក្រុមវៀតណាម ឬហ្វីលីពីន ដោយពួកគេនឹងប្រកួតកាត់សេចក្ដីនៅល្ងាចម៉ោង៧:៣០នាទីនេះដែរ។ ដោយជើងទី១កន្លងទៅ វៀតណាមបានយកឈ្នះហ្វីលីពីនក្នុងលទ្ធផល ២-១ រួចទៅហើយ៕