អ្នកគាំទ្រ Napoli ម្នាក់យំតាំងពីនាទី៣៨ ក្រោយពេល Salah ទាត់ចូលទី

2018-12-12 02:14:13
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាប់បាល់របស់ Mohamed Salah ទាត់បញ្ចូលទីនៅវគ្គទីមួយឲ្យ Liverpool ធ្វើឲ្យអ្នកគាំទ្ររបស់ Napoli ម្នាក់ស្រក់ទឹកភ្នែក នាំឲ្យមានការភ្ញាក់ផ្អើលលើបណ្ដាញសង្គម។

អ្នកគាំទ្រម្នាក់នោះត្រូវកាមេរ៉ាចាប់បាននៅនាទី៣៨ កំពុងតែយំក្នុងចំណោមអ្នកគាំទ្រឈរទស្សនា បន្ទាប់ពី Salah ទាត់ចូលនាទី៣៤។ មួយគ្រាប់នេះបាននាំ Liverpool ទទួលបានជ័យជម្នះឡើងទៅវគ្គ១៦ក្រុមចុងក្រោយ ខណៈ Napoli ធ្លាក់នៅលេងពាន Europa League ក្រោយ Paris Saint-Germian យកឈ្នះ Red Star Belgrade។

អ្នកលេងលើបណ្ដាញសង្គម Twitter សឹងតែមិនជឿហេតុអ្វីបុរសម្នាក់នោះយំតាំងពីវគ្គទីមួយ ស្របពេលវេលាសល់វែងឆ្ងាយទៀត។ អ្នកលេង Twiiter ម្នាក់បានបញ្ចេញមតិថា៖ "Awww អ្នកគាំទ្រ Napoli ម្នាក់នោះយំយ៉ាប់ខ្លាំងណាស៊។ ការប្រកួតមិនទាន់ជិតចប់ផង"។ ឯម្នាក់ទៀតសរសេរថា៖ "Napoli សមតែចាញ់ ព្រោះអ្នកគាំទ្រយំលើទីលាន។ គ្មានអ្វីខុសទេដែលបញ្ចេញអារម្មណ៍បែបនេះ តែវានៅសល់៥០នាទីទៀតណា!”៕