ចូលដឹកនាំភ្លាម Solskjaer សន្យានឹងធ្វើរឿងមួយជាមួយកីឡាករ Man Utd
- 2018-12-21 02:33:48
- ចំនួនមតិ 0 | ចំនួនចែករំលែក 0
ចូលដឹកនាំភ្លាម Solskjaer សន្យានឹងធ្វើរឿងមួយជាមួយកីឡាករ Man Utd
ចន្លោះមិនឃើញ
អ្នកចាត់ការបណ្ដោះអាសន្នរបស់ក្លឹប Manchester United លោក Ole Gunnar Solskjaer បាននិយាយថា លោកនឹងធ្វើឲ្យកីឡាករទាំងអស់រីករាយលេងលើទីលានម្ដងទៀត ក្រោយ Jose Mourinho ចាកចេញ។
Unitedបានតែងតាំងអតីតខ្សែប្រយុទ្ធរបស់ពួកគេ Solskjaer ឲ្យធ្វើជាគ្រូរហូតដល់ចប់រដូវកាល កាលពីថ្ងៃពុធ មួយថ្ងៃបន្ទាប់ពីការបណ្ដេញលោក Jose។ បុរសវ័យ៤៥ឆ្នាំធ្លាប់ឈ្នះពាន Premier League ៦លើកជាមួយបិសាចក្រហម កាលជាកីឡាករ។
Solskjaer សញ្ជាតិន័រវែសបានប្រាប់ MUTV ថា លោកចង់ឃើញកីឡាករទាំងអស់បង្ហាញពីសមត្ថភាពពួកគេ អំឡុងពេលយុទ្ធនាការប្រកួតដែលនៅសល់។ “ពួកយើងនឹងធ្វើឲ្យកីឡាករមានចិត្តលេងបាល់ និងរីករាយក្នុងការឃើញការគាំទ្រម្ដងទៀត។
Mourinho ត្រូវបានបណ្ដេញចេញពីក្លឹប បន្ទាប់ពីដឹកនាំមិនសូវបានលទ្ធផលល្អ ថ្វីបើចំណាយជិត៤០០លានផោនលើការទិញកីឡាករ១១នាក់ ក្នុងរយៈពេល២ឆ្នាំកន្លះ។ ខណៈកីឡាករ Man Utd មួយចំនួនក្នុងរដូវកាលនេះបង្ហាញទម្រង់លេងមិនល្អសោះ៕