កាន់តែពិសេស! ពហុកីឡដ្ឋានត្រៀមស៊ីហ្គេមចាប់ផ្តើមដាក់កៅអីហើយ

2019-01-09 02:32:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពហុកីឡដ្ឋានជាតិមរតកតេជោដែលកំពុងសាងសងត្រៀមធ្វើម្ចាស់ផ្ទះព្រឹត្តិការណ៍កីឡាអាស៊ីអាគ្នេយ៍ ឬ Sea Games ឆ្នាំ២០២៣បានចាប់ផ្តើមរៀបចំដាក់កៅអីអង្គុយហើយ បន្ទាប់ពីកសាងអស់រយៈជាច្រើនខែកន្លងមក។

ព្រឹកថ្ងៃទី៩ ខែមករានេះ គណៈកម្មាធិការជាតិអូឡាំពិកកម្ពុជាដែលមានឯកឧត្តម ថោន ខុនជាប្រធានបានរៀបចំពិធីដើម្បីដាក់កៅអី។ ពហុកីឡដ្ឋានជាតិមរតកតេជោ (Main Stadium)អាចផ្ទុកមនុស្សបានដល់៦ម៉ឺននាក់ឯណោះ។ លក្ខណៈពិសេសគឺបើមានករណីចាំបាច់ណាមួយនោះ ពហុកីឡដ្ឋាននេះអាចជម្លៀសអ្នកចូលរួមទាំងនោះត្រឹមរយៈខ្លី៧នាទីប៉ុណ្ណោះ។

ការកសាងពហុកីឡដ្ឋានជាតិមរតកតេជោជាដំណាក់កាលទី២ បន្ទាប់ពីដំណាក់កាលទី១ដែលមានទីលានហែលទឹក និងទីលានកីឡាក្នុងសាល ព្រមទាំងអគារស្នាក់នៅរបស់កីឡាករ កីឡាការិនីដែលបានកសាងរួចកាលពីឆ្នាំ២០១៧។ តាមការគ្រោងទុកការកសាងដំណាក់កាលទី២នេះនឹងប្រើពេល៣ឆ្នាំកន្លះទើបរួចរាល់ជាស្ថាពរ។

បន្ទាប់ពីចប់ដំណាក់កាលទី២ នឹងបន្តដំណាក់កាលទី៣ដែលផ្តោតលើទីលានកីឡាផ្សេងៗទៀតដែលនៅសេសសល់៕