គ្រាប់ពូជរបស់ចិន ដុះពន្លកលើឋានព្រះចន្ទ លើកដំបូងក្នុងប្រវត្តិសាស្ត្រ

2019-01-16 02:12:33
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាប់ពូជដែលនាំយកទៅឋានព្រះចន្ទដោយបេសកកម្ម Chang'e-4 របស់ប្រទេសចិន បានដុះពន្លកហើយ។ នេះបើតាមការប្រកាសរបស់រដ្ឋបាលអវកាសចិន។

គ្រាប់ពូជ

គួរដឹងថានេះជាលើកដំបូងក្នុងប្រវត្តិសាស្ត្រដែលមានរូបធាតុជីវសាស្ត្រដុះលើឋានព្រះចន្ទ ហើយជាការបោះជំហានធំមួយសម្រាប់ដំណើររុករកក្នុងលំហអាកាស។ បេសកកម្ម Chang'e-4 ជាបេសកកម្មដំបូងដែលបានចុះចត និងរុករកនៅលើតំបន់ឆ្ងាយនៃឋានព្រះចន្ទ ដែលបែរមុខចេញពីផែនដី។

យានរបស់ប្រទេសចិនមានផ្ទុកនូវដីដែលមានបណ្ដុះដោយកប្បាស, គ្រាប់ពូជដំឡូង និងផ្សិតដំបែ។ រុក្ខជាតិទាំងនោះត្រូវបានផ្ទុកនៅក្នុងប្រអប់បិទជិត ហើយវានឹងព្យាយាមបង្កើតនូវតំបន់មានជីវិតតូចមួយ ជាបរិស្ថានសិប្បនិម្មិត ដើម្បីទ្រទ្រង់ខ្លួនឯង។

រុក្ខជាតិធ្លាប់បានដុះនៅលើស្ថានីយអវកាសពីមុនមក ប៉ុន្តែមិនធ្លាប់ដាំដុះលើឋានព្រះចន្ទឡើយ។ ការណ៍ដែលអាចដាំលើឋានព្រះចន្ទបាន នឹងជាផលប្រយោជន៍មួយសម្រាប់ដំណើរក្នុងលំហអាកាសរយៈពេលវែង ដូចជាដំណើរទៅកាន់ភពអង្គារ ដែលត្រូវចំណាយពេលប្រហែល ២ ឆ្នាំកន្លះ។

នេះមានន័យថាអវកាសយានិកអាចប្រមូលផលនៅលំហអាកាស មិនចាំបាច់ត្រឡប់មកផែនដី ដើម្បីយកគ្រឿងផ្គត់ផ្គង់នោះទេ៕

ចុចអាន៖

ប្រភព៖ BBC ប្រែសម្រួល៖ សុខហេង